ന്യൂഡല്‍ഹി: കോവിഡ് വ്യാപനത്തിന്റെ പശ്ചാത്തലത്തില്‍ ഡല്‍ഹിയില്‍ ലോക്ക് ഡൗണ്‍ നീട്ടി. ലോക്ക് ഡൗണ്‍ മെയ് 17 വരെ നീട്ടിയതായി മുഖ്യമന്ത്രി അരവിന്ദ് കെജ്രിവാള്‍ അറിയിച്ചു. ഡല്‍ഹി മെട്രോ തിങ്കളാഴ്ച മുതല്‍ സര്‍വീസ് നിര്‍ത്തിവെയ്ക്കും.
ഡല്‍ഹിയില്‍ കഴിഞ്ഞ മൂന്ന് ദിവസങ്ങളായി ടെസ്റ്റ് പോസിറ്റിവിറ്റി നിരക്കില്‍ കുറവുണ്ടായെന്ന് മുഖ്യമന്ത്രി പറഞ്ഞു. ടിപിആര്‍ 35 ശതമാനത്തില്‍ നിന്നും 23 ശതമാനമായി കുറഞ്ഞെന്നും അദ്ദേഹം അറിയിച്ചു. ഡല്‍ഹിയ്ക്ക് പിന്നാലെ ഉത്തര്‍പ്രദേശും ലോക്ക് ഡൗണ്‍ നീട്ടിയതായി പ്രഖ്യാപിച്ചു. ഈ മാസം 17 വരെയാണ് ലോക്ക് ഡൗണ്‍ നീട്ടിയത്.
കേരളത്തില്‍ ലോക്ക് ഡൗണ്‍ രണ്ടാം ദിവസത്തിലേയ്ക്ക് കടന്നിരിക്കുകയാണ്. കര്‍ണാടകയില്‍ നാളെ മുതല്‍ 24 വരെ സമ്പൂര്‍ണ ലോക്ക് ഡൗണ്‍ പ്രഖ്യാപിച്ചിട്ടുണ്ട്. തമിഴ്‌നാട്ടിലും നാളെ മുതല്‍ സമ്പൂര്‍ണ ലോക്ക് ഡൗണ്‍ പ്രാബല്യത്തില്‍ വരും. ഈ മാസം 24 വരെയാണ് ലോക്ക് ഡൗണ്‍ പ്രഖ്യാപിച്ചിരിക്കുന്നത്. പത്തോളം സംസ്ഥാനങ്ങളില്‍ രാത്രി കാല കര്‍ഫ്യൂവും, വാരാന്ത്യ കര്‍ഫ്യൂവും നിലനില്‍ക്കുന്നുണ്ട്.
Post Your Comments