വാഹനാപകടം; ബൈക്ക് യാത്രികനായ യുവാവിന് ദാരുണാന്ത്യം

വള്ളികുന്നം: കാറും ബൈക്കും തമ്മിൽ കൂട്ടിയിടിച്ചുണ്ടായ അപകടത്തിൽ യുവാവിന് ദാരുണാന്ത്യം. തഴവയിലാണ് സംഭവം. വള്ളികുന്നം കൊണ്ടോടി മുകൾ എസ്എൽ സദനത്തിൽ സുകുമാരന്റെ മകൻ സുജിത്ത് ആണ് മരിച്ചത്. 23 വയസായിരുന്നു. തഴവ സെന്റ് ഗ്രിഗോറിയസ് സ്‌കൂളിന് സമീപം വെച്ചായിരുന്നു അപകടം ഉണ്ടായത്.

കരുനാഗപ്പള്ളി പുതിയകാവിലെ ഷോറൂമിലെ സെയിൽസ്മാനാണ് സുജിത്ത്. ജോലി കഴിഞ്ഞ് തിരികെ വീട്ടിലേക്ക് ബൈക്കിൽ മടങ്ങുന്നതിനിടെയായിരുന്നു അപകടം. എതിരെ വന്ന കാറും ബൈക്കും തമ്മിൽ കൂട്ടിയിടിക്കുകയായിരുന്നു. അപകടത്തിൽ സുജിത്തിന്റെ തലയ്ക്ക് സാരമായി പരിക്കേറ്റു.

Read Also: ആദ്യ ചാന്ദ്ര ദൗത്യത്തിലെ അംഗം മൈക്കിൾ കോളിൻസ് അന്തരിച്ചു

ഉടൻ തന്നെ ഇദ്ദേഹത്തെ ആശുപത്രിയിൽ പ്രവേശിപ്പിച്ചു. ആദ്യം കരുനാഗപ്പള്ളിയിലുള്ള സ്വകാര്യ ആശുപത്രിയിൽ പ്രവേശിപ്പിച്ച സുജിത്തിനെ ആരോഗ്യ നില വഷളായതിനെ തുടർന്ന് ആലപ്പുഴ മെഡിക്കൽ കോളേജ് ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.

Read Also: കോവിഡ് പ്രതിരോധത്തിന് പിന്തുണയുമായി ആരോഗ്യ സർവ്വകലാശാലയും; തീരുമാനങ്ങൾ ഇങ്ങനെ