21കാ​രി​യായ സു​ബീ​റ ഫ​ര്‍​ഹ​ത്തി​നെ​ കാണാതായിട്ട്​ 40 ദിവസം; ദു​രൂ​ഹ​ത

വ​ളാ​ഞ്ചേ​രി: 21കാരിയുടെ തിരോധാനത്തിൽ അങ്കലാപ്പിലായി പോലീസ്. 40 ദി​വ​സം പി​ന്നി​ട്ടി​ട്ടും 21കാ​രി​യായ സു​ബീ​റ ഫ​ര്‍​ഹ​ത്തി​നെ​ കണ്ടെത്താനായില്ല. ക​ഞ്ഞി​പ്പു​ര ചോ​റ്റൂ​ര്‍ സ്വ​ദേ​ശി കി​ഴ​ക്ക​പ​റ​മ്പാ​ട്ട് ക​ബീ​റി‍െന്‍റ മ​ക​ള്‍ സു​ബീ​റ ഫ​ര്‍​ഹ​ത്തി​നെ​യാ​ണ് മാ​ര്‍​ച്ച്‌ 10 മു​ത​ല്‍ കാ​ണാ​താ​യ​ത്. പൊ​ലീ​സ് അ​ന്വേ​ഷ​ണം തു​ട​രു​ന്നു​ണ്ടെ​ങ്കി​ലും വി​വ​രം ല​ഭ്യ​മാ​യി​ട്ടി​ല്ല. വെ​ട്ടി​ച്ചി​റ​യി​ലെ ഡെന്‍റ​ല്‍ ക്ലി​നി​ക്കി​ല്‍ ജോ​ലി ചെ​യ്​​തി​രു​ന്ന സു​ബീ​റ മാ​ര്‍​ച്ച്‌ 10ന് ​രാ​വി​ലെ ക്ലി​നി​ക്കി​ലേ​ക്ക് പോ​യ​താ​ണ്.

എന്നാൽ റോ​ഡി​ന് സ​മീ​പ​ത്തെ വീ​ട്ടി​ലെ സി.​സി.​ടി.​വി​യി​ലും കാ​ണാ​താ​യ ദി​വ​സം യു​വ​തി പോ​കു​ന്ന ദൃ​ശ്യം പ​തി​ഞ്ഞി​ട്ടി​ല്ല. ജോ​ലി​സ്ഥ​ല​ത്തെ​ത്തി​യി​ട്ടി​ല്ലെ​ന്നും ഫോ​ണി​ല്‍ ല​ഭ്യ​മ​ല്ലെ​ന്നും ക്ലി​നി​ക്കി​ലെ ഡോ​ക്ട​ര്‍ അ​റി​യി​ച്ച​തോ​ടെ​യാ​ണ് വീ​ട്ടു​കാ​ര്‍ അ​ന്വേ​ഷ​ണം ആ​രം​ഭി​ച്ച​ത്. ആ​ദ്യം റി​ങ്​ ചെ​യ്​​തി​രു​ന്നെ​ങ്കി​ലും പി​ന്നീ​ട് ഫോ​ണ്‍ സ്വി​ച്ച്‌ ഓ​ഫാ​യി. 2019ല്‍ ​വി​വാ​ഹം ക​ഴി​ഞ്ഞ യു​വ​തി വി​വാ​ഹ​മോ​ചി​ത​യാ​ണ്. അ​സ്വാ​ഭാ​വി​ക പെ​രു​മാ​റ്റ​മൊ​ന്നു​മു​ണ്ടാ​യി​ട്ടി​ല്ലെ​ന്ന് ബ​ന്ധു​ക്ക​ളും വീ​ട്ടു​കാ​രും പ​റ​യു​ന്നു. വ​ളാ​ഞ്ചേ​രി പൊ​ലീ​സ് അ​ന്വേ​ഷ​ണം ന​ട​ത്തു​ക​യും ഫോ​ണ്‍ വി​ശ​ദാം​ശ​ങ്ങ​ള്‍ ശേ​ഖ​രി​ക്കു​ക​യും ചെ​​യ്​​തെ​ങ്കി​ലും സം​ശ​യ​ക​ര​മാ​യി ഒ​ന്നും ക​ണ്ടെ​ത്തി​യി​ല്ല. നാ​ട്ടു​കാ​രു​ടെ നേ​തൃ​ത്വ​ത്തി​ല്‍ ആ​ക്​​ഷ​ന്‍ ക​മ്മി​റ്റി രൂ​പ​വ​ത്ക​രി​ച്ചി​ട്ടു​ണ്ട്. തി​രൂ​ര്‍ ഡി​വൈ.​എ​സ്.​പി കെ.​എ. സു​രേ​ഷ് ബാ​ബു​വിന്‍റെ നേ​തൃ​ത്വ​ത്തി​ല്‍ പ്ര​ത്യേ​ക സം​ഘ​മാ​ണ് ഇ​പ്പോ​ള്‍ അ​ന്വേ​ഷി​ക്കു​ന്ന​ത്. എന്നാൽ ഗ​ള്‍​ഫി​ല്‍ ജോ​ലി ചെ​യ്തി​രു​ന്ന പി​താ​വ് ക​ബീ​ര്‍ വി​വ​ര​മ​റി​ഞ്ഞ് നാ​ട്ടി​ലെ​ത്തി​യി​ട്ടു​ണ്ട്