ബംഗാള്‍ മുഖ്യമന്ത്രി മമത ബാനര്‍ജിയെ പ്രചാരണത്തില്‍ നിന്ന് വിലക്കി തെരഞ്ഞെടുപ്പ് കമ്മീഷന്‍. തെരഞ്ഞെടുപ്പുമായി പ്രചാരണവുമായി ബന്ധപ്പെട്ട പരിപാടികളിലെ രണ്ട് വിവാദ പ്രസ്താവനകൾക്ക് നൽകിയ വിശദീകരണത്തില്‍ അതൃപ്തി അറിയിച്ചാണ് തെരഞ്ഞെടുപ്പ് കമ്മീഷന്റെ നടപടി. തിങ്കളാഴ്ച രാത്രി എട്ട് മുതല്‍ ചൊവ്വാഴ്ച രാത്രി എട്ടു വരെയാണ് വിലക്ക്.
സംസ്ഥാന നിയമസഭാ തെരഞ്ഞെടുപ്പിൽ ന്യൂനപക്ഷ വോട്ടര്‍മാര്‍ ഒറ്റക്കെട്ടായി നില്‍ക്കണമെന്ന പ്രസ്താവനയും, കേന്ദ്രസേനയെ സ്ത്രീകള്‍ തടയണമെന്ന പ്രസ്താവനയുമാണ് വിവാദമായത്. നേരത്തെ, തെരഞ്ഞെടുപ്പ് കമ്മീഷൻ ഈ പ്രസ്താവനകൾക്ക് മമതയുടെ വിശദീകരണം ചോദിച്ചിരുന്നു. എന്നാൽ മമത നൽകിയ വിശദീകരണം തൃപ്തികരമല്ലെന്നാണ് കമ്മീഷന്റെ വിലയിരുത്തല്‍.
Post Your Comments