സ്വര്‍ണക്കടത്ത് കേസിൽ റിമാന്‍ഡില്‍ കഴിയുന്ന പ്രതി സന്ദീപ് നായരെ ക്രൈംബ്രാഞ്ച് ചോദ്യം ചെയ്തു. . ഇഡിക്കെതിരായ കേസുമായി ബന്ധപ്പെട്ടാണ്, പൂജപ്പുര സെന്‍ട്രല്‍ ജയിലിൽ ഡി.വൈഎസ്. പിയുടെ നേതൃത്വത്തിലുള്ള സംഘം ചോദ്യം ചെയ്തത്. മുഖ്യമന്ത്രിക്കെതിരെ മൊഴി നല്‍കാന്‍ ഇ.ഡി സമ്മര്‍ദം ചെലുത്തിയെന്ന ആരോപണമാണ് പ്രധാനമായും അന്വേഷിക്കുന്നത്.
എന്നാൽ ക്രൈംബ്രാഞ്ച് നടപടിയില്‍ എതിര്‍പ്പുമായി ഇ.ഡി രംഗത്തെത്തി. ഇഡിയുടെ വിശദീകരണം കേള്‍ക്കാതെയാണ് ചോദ്യം ചെയ്യാനുള്ള അനുമതി ക്രൈംബ്രാഞ്ച് വാങ്ങിയതെന്നാണ് ആരോപണം.
സന്ദീപ് നായരെ ചോദ്യം ചെയ്യാന്‍ കോടതിയില്‍ നല്‍കിയ അപേക്ഷയുടെ പകര്‍പ്പ് ഇ.ഡിയ്ക്ക് നല്‍കിയിട്ടില്ലെന്ന് എൻഫോഴ്‌സ്‌മെന്റ് വൃത്തങ്ങൾ വ്യക്തമാക്കി.
ക്രൈം ബ്രാഞ്ചിന്റെ നടപടി സംശയാസ്പദമാണെന്നും എന്‍ഫോഴ്സ്മെന്റ് ആരോപിക്കുന്നു. ഉത്തരവ് പിന്‍വലിക്കണമെന്ന് ആവശ്യപ്പെട്ട് ശനിയാഴ്ച കോടതിയെ സമീപിക്കുമെന്ന് ഇ.ഡി അറിയിച്ചു.
Post Your Comments