ഭോപ്പാൽ: പറന്നുയർന്ന് നിമിഷങ്ങൾക്കുള്ളിൽ വിമാനം തകർന്നു വീണു. മദ്ധ്യപ്രദേശിലെ ഭോപ്പാലിലാണ് അപകടം ഉണ്ടായത്. അപകടത്തിൽ മൂന്ന് പൈലറ്റുമാർക്ക് പരിക്കേറ്റു. രാജാ ഭോജ് വിമാനത്താവളത്തിൽ നിന്നും ടേക്ക് ഓഫ് ചെയ്ത വിമാനമാണ് അപകടത്തിൽപ്പെട്ടത്.
വിമാനത്താവളത്തിൽ നിന്നും ടേക്ക് ഓഫ് ചെയ്ത് നിമിഷങ്ങൾക്കകം വിമാനം തകർന്നു വീഴുകയായിരുന്നു. ഗാന്ധി നഗർ പോലീസ് സ്റ്റേഷൻ പരിധിയിലുള്ള വയലിലേക്കാണ് വിമാനം വീണത്. പരിക്കേറ്റ പൈലറ്റുമാരെ സമീപത്തുള്ള ആശുപത്രിയിൽ പ്രവേശിപ്പിച്ചു. ഇവരുടെ ആരോഗ്യ നില തൃപ്തികരമാണെന്നാണ് റിപ്പോർട്ട്.
Post Your Comments