500ാം കരിയർ ഗോളുമായി ലൂയിസ് സുവാരസ്

500ാം കരിയർ ഗോൾ പട്ടികയിൽ ഇടം നേടി ലൂയിസ് സുവാരസ്. ലാ ലീഗയിൽ ആൽവ്‌സിനെതിരേ ഒരു ഗോൾ നേടിയതോടെയാണ് മുൻ ബാഴ്‌സ താരം 500 ഗോൾ ക്ലബിൽ ഇടം നേടിയത്. 54ാം മിനിറ്റിലാണ് സുവാരസിന്റെ ചരിത്ര നേട്ടം. സുവാരസിന്റെ ഏക ഗോളോടെ അത്ലാന്റിക്കോ ആൽവ്‌സിനെ പരാജയപ്പെടുത്തി. ജയത്തോടെ ഒന്നാം സ്ഥാനത്തെ ലീഡ് നാല് പോയിന്റാക്കാനും അത്ലാന്റിക്കോ മാഡ്രിഡിനായി.

സുവാരസിന്റെ ഈ സീസണിലെ 19ാം ഗോളാണിത്. ഉറുഗ്വെ താരമായ സുവാരസ് ബാഴ്‌സക്കായി 194 ഗോളുകളും ലിവർപൂളിനായി 69, അയാകസിനായി 81, ദേശീയ ടീമിനായി 82 ഗോളും താരം നേടിയിട്ടുണ്ട്. ക്രിസ്റ്റിയാനോ റൊണാൾഡോ, ലയണൽ മെസ്സി, സ്ലാട്ടൻ ഇബ്രാഹിമോവിച്ച്, റോബർട്ടോ ലെവൻഡോസ്‌കി എന്നിവരാണ് ഇതിന് മുമ്പ് 500 ഗോൾ ക്ലബ്ബിൽ ഇടം നേടിയ താരങ്ങൾ.