തെരഞ്ഞെടുപ്പ് അടുത്തപ്പോൾ മമതയും രാഹുലും വരെ ക്ഷേത്ര ദർശനം നടത്തുന്നു: ഇത് ബിജെപിയുടെ നേട്ടമാണെന്ന് യോഗി

കൊൽക്കത്ത : ബംഗാളിൽ നിന്നും തൃണമൂൽ കോൺഗ്രസ് വിടവാങ്ങാൻ ഇനി 45 ദിവസങ്ങൾ മാത്രമെ ബാക്കിയുള്ളുവെന്ന് ഓർമ്മിപ്പിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. വരുന്ന നിയമസഭാ തെരഞ്ഞെടുപ്പിൽ തൃണമൂൽ പരാജയപ്പെടുമെന്നും ബിജെപി വൻ വിജയത്തോടെ സംസ്ഥാനത്ത് ആധിപത്യം സ്ഥാപിക്കുമെന്നും അദ്ദേഹം അറിയിച്ചു. ബംഗാളിലെ പുരൂലിയയിൽ നടന്ന റാലിയിൽ ജനങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.

നിയമസഭാ തെരഞ്ഞെടുപ്പ് അടുത്തതോടെ ക്ഷേത്ര ദർശനവുമായി നടക്കുന്ന മമതയെയും രാഹുലിനെയും അദ്ദേഹം പരിഹസിച്ചു. 2014 ൽ ബിജെപി അധികാരത്തിലെത്തുന്നതിന് മുൻപ് വരെ ക്ഷേത്ര ദർശനം നടത്തുന്നത് മതേതരത്വത്തിന് എതിരാണെന്നാണ് എല്ലാവരും വിശ്വസിച്ചിരുന്നത്. എന്നാൽ ഇപ്പോൾ മമത ബാനർജിയും രാഹുൽ ഗാന്ധിയും വരെ ക്ഷേത്ര ദർശനം നടത്തുന്നു. ഇത് രാജ്യത്ത് വന്ന മാറ്റമാണെന്നും ബിജെപിയുടെ നേട്ടമാണെന്നും അദ്ദേഹം വ്യക്തമാക്കി.

read also ; എറണാകുള​ത്തെ പ്ര​ള​യ ദു​രി​താ​ശ്വാ​സത്തില്‍ കോ​ടി​കളുടെ ക്ര​മ​ക്കേ​ട്; ഒരേ അക്കൗണ്ടിലേക്ക് പലതവണ തുക നൽകി

ഇനി 45 ദിവസങ്ങൾ മാത്രമെ ബാക്കിയുള്ളു. മെയ് രണ്ടിന് ശേഷം തൃണമൂൽ വിടവാങ്ങും എന്നത് തീർച്ചയാണ്. ജയ് ശ്രീരാം വിളി മമതയ്ക്ക് വെറുപ്പുള്ള ഒന്നാണ്. എന്നാൽ താൻ ഇവിടെ വന്നപ്പോൾ എല്ലാവരും തന്നെ വരവേറ്റത് ജയ് ശ്രീരാം മുഴക്കിക്കൊണ്ടാണെന്ന് അദ്ദേഹം പറഞ്ഞു.