ജോലി ആവശ്യപ്പെട്ടാൽ സ്ഥാനാര്‍ഥിയാക്കിക്കളയും; കേരളത്തിലെ ബിജെപി സ്ഥാനാർത്ഥി പ്രഖ്യാപനത്തെ പരിഹസിച്ച് പ്രശാന്ത് ഭൂഷണ്‍

ന്യൂഡൽഹി : കേരളത്തിലെ ബിജെപിയുടെ സ്ഥാനാർത്ഥി പ്രഖ്യാപനത്തെ ട്രോളി മുതിർന്ന അഭിഭാഷകൻ പ്രശാന്ത്​ ഭൂഷൺ. കാർട്ടൂൺ പ​ങ്കുവെച്ചാണ്​ പ്രശാന്ത്​ ഭൂഷന്‍റെ ട്വീറ്റ്​. എംബിഎ ഡിഗ്രിയുമായി ജോലി ആവശ്യപ്പെടുന്ന യുവാവിന്​ തെരഞ്ഞെടുപ്പ്​ ടിക്കറ്റ്​ കയ്യിലേക്ക്​ നൽകുന്ന കാർട്ടൂണാണ്​ പ്രശാന്ത്​ ഭൂഷൺ പങ്കുവെച്ചത്​.

‘തൊഴിൽ രഹിതരായ യുവജനങ്ങൾക്ക് ഇപ്പോൾ ജോലി ആവശ്യപ്പെടാൻ ഭയമാണ്​. തൊഴിലിന്​ പകരം കേരളത്തിൽ മത്സരിക്കാൻ ബിജെപി ടിക്കറ്റാകും നൽകുക’ -പ്രശാന്ത്​ ഭൂഷൺ ട്വീറ്റ് ചെയ്തു.

The Jobless youth are now afraid to come out & ask for jobs. The BJP is handing them Election tickets in Kerala! pic.twitter.com/svjuCeJhQV

— Prashant Bhushan (@pbhushan1) March 17, 2021

രാജ്യത്തെ മറ്റ് സംസ്​ഥാനങ്ങളിൽ ബി.ജെ.പി ശക്തിയാർജിക്കുന്നതും കേരളത്തിൽ ബി.ജെ.പി ടിക്കറ്റിൽ മത്സരിക്കാൻ പോലും ആളെകിട്ടാത്തതും സമൂഹമാധ്യമങ്ങളിലടക്കം വൻ ചർച്ചയായിരുന്നു. മാനന്തവാടിയിൽ ബി.ജെ.പി സ്​ഥാനാർഥിയായി പ്രഖ്യാപിച്ച മണിക്കുട്ടന്‍ മത്സരിക്കാനില്ലെന്ന് അറിയിച്ചിരുന്നു. താൻ അറിയാതെയാണ് ബിജെപിയുടെ പ്രഖ്യാപനമെന്നും ബിജെപി അനുഭാവിയല്ലെന്നും മണിക്കുട്ടന്‍ വ്യക്തമാക്കുകയുണ്ടായി.