വിനോദസഞ്ചാരത്തിനെത്തിയ യാത്രക്കാരുടെ വാഹനം മറിഞ്ഞ് രണ്ടുപേർക്ക് പരിക്ക്

പീരുമേട്; വാഗമണ്ണിൽ വിനോദസഞ്ചാരത്തിനെത്തിയ യാത്രക്കാരുടെ വാഹനം മറിഞ്ഞ് രണ്ടുപേർക്ക് അപകടത്തിൽ പരിക്കേറ്റു. തിരുവനന്തപുരം ജനറൽ ആശുപത്രിയിലെ ഡോ. വിശാഖ് വിജയൻ (38), ആറ്റിങ്ങൽ സ്വദേശി കണ്ണൻ (43) എന്നിവർക്കാണ് അപകടത്തിൽ പരിക്കേറ്റിരിക്കുന്നത്.

ഇവരെ കോട്ടയം മെഡിക്കൽ കോളജ് ആശുപത്രിയിലേക്കു കൊണ്ടുപോയി. റിസോർട്ടിൽ എത്തിയ സംഘം ഓഫ് റോഡ് യാത്രയ്ക്കു സ്വന്തം വാഹനത്തിൽ പോകവെയാണ് അപകടം ഉണ്ടായിരിക്കുന്നത്. കൊക്കയിലേക്കു മറിഞ്ഞ വാഹനം പൂർണമായി തകർന്നു. 350 അടി താഴ്ചയിലേക്കാണു വാഹനം മറിഞ്ഞത്.