പ്രീമിയർ ലീഗിൽ സെൽഫ് ഗോളിൽ യുണൈറ്റഡിന് ജയം

പ്രീമിയർ ലീഗിൽ മാഞ്ചസ്റ്റർ യുണൈറ്റഡിന് ജയം. ഇന്ന് നടന്ന നിർണായക മത്സരത്തിൽ വെസ്റ്റ് ഹാമിനെ മറുപടിയില്ലാത്ത ഏക ഗോളിനായിരുന്നു മാഞ്ചസ്റ്റർ യുണൈറ്റഡിന്റെ വിജയം. ഒരുപാട് അവസരങ്ങൾ യുണൈറ്റഡ് നഷ്ടപ്പെടുത്തിയ മത്സരത്തിൽ സെൽഫ് ഗോളിലായിരുന്നു യുണൈറ്റഡിന്റെ ജയം. ആദ്യ പകുതിയിൽ നിരവധി അവസരങ്ങൾ സൃഷ്‌ടിക്കാൻ ഇരു ടീമുകൾക്കും കഴിഞ്ഞു. താളം കണ്ടെത്താൻ ബുദ്ധിമുട്ടിയ യുണൈറ്റഡ് ആദ്യത്തെ മികച്ച അവസരം വന്നത് റാഷ്‌ഫോർഡിനായിരുന്നു. ഗ്രീൻവുഡ്‌ വലതു വിങ്ങിൽ നിന്ന് നൽകിയ മനോഹരമായ ക്രോസ് പക്ഷെ വലയിലെത്തിക്കാൻ റാഷ്‌ഫോർഡിനായില്ല.

തുടർന്ന് ബ്രൂണൊ ഫെർണാണ്ടസിന്റെ പാസിൽ നിന്നും റാഷ്‌ഫോർഡിന് മറ്റൊരു അവസരം ലഭിച്ചു. ആ ശ്രമവും ഫാസ്ബിയൻസിക്ക് സമ്മർദ്ദം നൽകില്ല. മത്സരത്തിന്റെ രണ്ടാം പകുതിയിൽ 53ാം മിനുട്ടിലാണ് യുണൈറ്റഡിന്റെ വിജയ ഗോൾ. ബ്രൂണൊ\ഫെർണാണ്ടസിന്റെ കോർണറിൽ നിന്ന് മക്ടോമിനി ഫ്ലിക് ചെയ്ത ബോൾ വെസ്റ്റ് ഹാം ഡിഫൻഡർ ഡൗസാന്റ തലയിൽ തട്ടി വലയിലേക്ക് കയറുകയായിരുന്നു, ജയത്തോടെ 29 മത്സരങ്ങളിൽ നിന്ന് 57 പോയിന്റുമായി യുണൈറ്റഡ് രണ്ടാം സ്ഥാനത്ത് തുടരുന്നു, മാഞ്ചസ്റ്റർ സിറ്റിയാണ് ലീഗിൽ ഒന്നാമത്.