കൊരട്ടി; റോഡരികിൽ നിർത്തിയിട്ടിരുന്ന ബൈക്ക് മോഷ്ടിച്ച സംഭവത്തിൽ തിരുമുടിക്കുന്ന് പുത്തൻപുരക്കൽ വീട്ടിൽ റിതിൻ (23) അറസ്റ്റിൽ ആയിരിക്കുന്നത്. മോഷ്ടിച്ച ബൈക്കുമായി അമിത വേഗത്തിൽ പോകുന്നതിനിടെ പോളിടെക്‌നിക് ജംക്‌ഷനിൽ അപകടത്തിൽ പെട്ടു പരുക്കേറ്റ റിതിൻ വീടിനു സമീപമെത്തിയിട്ടുണ്ടെന്ന രഹസ്യ വിവരത്തെ തുടർന്ന് എസ്എച്ച്ഒ ബി.കെ.അരുണിന്റെ നേതൃത്വത്തിലുള്ള സംഘം തന്ത്രപൂർവം പിടികൂടുകയായിരുന്നു ഉണ്ടായത്.
മുംബൈയിൽ റെയിൽവേയുടെ കരാർ ജോലിക്കാരനായ ഇയാൾ മോഷണം നടത്തിയ ശേഷം നാടുവിടാനായി ശ്രമിക്കുന്നതിനിടെയാണ് കുടുങ്ങുകയുണ്ടായത്. പിടിയിലായ സമയം മദ്യലഹരിയായിരുന്ന റിതിൻ പൊലീസിന്റെ നേർക്ക് തട്ടിക്കയറുകയും സ്റ്റേഷനിൽ ബഹളമുണ്ടാക്കുകയും ചെയ്തതായി പൊലീസ് പറഞ്ഞു.
തിരുമുടിക്കുന്ന് ചിറക്കൽ സ്വദേശിയുടെ ബൈക്കാണ് ഇയാൾ മോഷ്ടിച്ചത്. അങ്കമാലി സേ്റ്റഷനിൽ റൗഡി ലിസ്റ്റിൽ ഉൾപ്പെട്ടിട്ടുള്ള പ്രതിക്കെതിരെ 3 വധശ്രമകേസുകളും, കഞ്ചാവു കേസും നിലവിലുണ്ട്. പൊലീസ് സംഘത്തിൽ എസ്‌ഐ എസ്.കെ.പ്രിയൻ, എഎസ്‌ഐ എം.വി.സെബി, സിപിഒ പി.ആർ.ഷഫീക്ക് എന്നിവരും ഉണ്ടായിരുന്നു.
Post Your Comments