മസ്‌കത്ത്: ഒമാനില്‍ ഇന്ന് 426 പേര്‍ക്ക് കൂടി കൊറോണ വൈറസ് രോഗബാധ സ്ഥിരീകരിച്ചതായി ആരോഗ്യ മന്ത്രാലയം അറിയിക്കുകയുണ്ടായി. കഴിഞ്ഞ 24 മണിക്കൂറിനിടെ മൂന്ന് കൊവിഡ് മരണങ്ങള്‍ രാജ്യത്ത് റിപ്പോര്‍ട്ട് ചെയ്തപ്പോൾ കോവിഡ് ചികിത്സയിലായിരുന്ന 222 രോഗികള്‍ രോഗ മുക്തരായി.
ഇതുവരെയുള്ള കണക്കുകള്‍ പ്രകാരം രാജ്യത്ത് 1,45,257 പേര്‍ക്ക് കൊവിഡ് റിപ്പോർട്ട് ചെയ്തു. ഇവരില്‍ 1,35,227പേര്‍ ഇതിനോടകം രോഗമുക്തരായി. രാജ്യത്ത് 1,600 ജീവനുകളാണ് കൊവിഡ് കാരണം നഷ്ടമായത്. കഴിഞ്ഞ 24 മണിക്കൂറിനിടെ 30 പേരെ രാജ്യത്തെ വിവിധ ആശുപത്രികളില്‍ പ്രവേശിപ്പിച്ചു. ഇവരടക്കം ഇപ്പോള്‍ 208 പേരാണ് ആശുപത്രികളില്‍ ചികിത്സയില്‍ ഉള്ളത്. ഇവരില്‍ 72 പേരുടെ നില അതീവ ഗുരുതരമാണ്. ഇവരെ തീവ്രപരിചരണ വിഭാഗങ്ങളില്‍ പ്രവേശിപ്പിച്ച് ചികിത്സ നല്‍കുകയാണ്.
Post Your Comments