ചെന്നൈ: നിയമസഭ തിരഞ്ഞെടുപ്പ് സ്ഥാനാര്‍ഥി നിര്‍ണയവുമായി ബന്ധപ്പെട്ട് ഡി.എം.കെ അധ്യക്ഷന്‍ എം.കെ. സ്റ്റാലിന് മുന്നില്‍ മകന്‍ ഉദയ്നിധി അഭിമുഖത്തിന് എത്തിയത് കൗതുകമായി. ചെന്നൈയിലെ ചേപ്പാക്കം-തിരുവല്ലിക്കേണി നിയോജകമണ്ഡലത്തില്‍ മത്സരിക്കാനാണ് ഡി.എം.കെ യൂത്ത് വിങ് സെക്രട്ടറിയും നടനുമായ ഉദയ്നിധി സ്റ്റാലിന് അപേക്ഷ നല്‍കിയിരുന്നത്.
ശനിയാഴ്ച രാവിലെ പാര്‍ട്ടി ആസ്ഥാനമായ ‘അണ്ണാ അറിവാലയ’ത്തില്‍ സ്റ്റാലിന് മകന്‍ ഉദയ്നിധിയെ ഇന്‍റര്‍വ്യൂ നടത്തി. മണ്ഡലത്തിലെ വിജയസാധ്യതകളെക്കുറിച്ചാണ് മുഖ്യമായും ചോദിച്ചറിഞ്ഞത്. ബി.ജെ.പി നേതാവും സിനിമാതാരവുമായ ഖുശ്ബുവായിരിക്കും ഉദയ്നിധിയുടെ മുഖ്യഎതിരാളി. കൊളത്തൂര്‍ നിയോജകമണ്ഡലത്തിലാണ് സ്റ്റാലിന് മത്സരിക്കുന്നത്.
Post Your Comments