പൊള്ളാച്ചി: 16കാരിയെ പീഡിപ്പിച്ച് ഗര്‍ഭിണിയാക്കിയ 19കാരൻ അറസ്റ്റിൽ. അണ്ണാ കോളനിയില്‍ പോളിടെക്‌നിക് വിദ്യാര്‍ഥിയായ ശക്തിവേലാണ് (19) അറസ്റ്റിൽ ആയിരിക്കുന്നത്. പോക്‌സോ നിയമപ്രകാരമാണ് പ്രതിയെ അറസ്റ്റ് ചെയ്തതെന്ന് പോലീസ് അറിയിച്ചു. ശക്തിവേലിന്റെ വീട്ടില്‍ പെണ്‍കുട്ടിയുണ്ടെന്നും വിട്ടുകിട്ടണമെന്നും ചൂണ്ടിക്കാട്ടി പെൺകുട്ടിയുടെ അമ്മ വനിതാ പോലീസില്‍ പരാതി നൽകിയിരുന്നു. കുട്ടി രക്ഷിതാക്കളുടെ കൂടെ പോകാന്‍ വിസമ്മതിച്ചെങ്കിലും സമാധാനിപ്പിച്ച് രക്ഷിതാക്കളുടെ കൂടെ പറഞ്ഞയക്കുകയായിരുന്നു ഉണ്ടായത്. തുടർന്ന് രക്ഷിതാക്കള്‍ കുട്ടിയെ പാലക്കാട്ടുള്ള ബന്ധുവീട്ടിലാക്കി. കുട്ടിക്ക് വയറുവേദന വന്നതിനാല്‍ പാലക്കാട് സര്‍ക്കാര്‍ ആശുപത്രിയില്‍ പരിശോധിച്ചപ്പോഴാണ് എട്ടു മാസം ഗര്‍ഭമുള്ള വിവരമറിഞ്ഞത്. കുട്ടിയുടെ അമ്മ പൊള്ളാച്ചി വനിതാ പോലീസില്‍ പരാതി നല്‍കിയതനുസരിച്ച് പ്രതിയെ അറസ്റ്റ് ചെയ്യുകയായിരുന്നു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
Post Your Comments