‘ദയവായി എല്ലാവരും ഇത് കേള്‍ക്കണം’; അഭ്യര്‍ഥനയുമായി പ്രധാനമന്ത്രി‍

ന്യൂഡൽഹി : കാര്‍ഷിക നിയമങ്ങളുടെ എല്ലാവശങ്ങളും സംബന്ധിച്ചുള്ള വിവരങ്ങൾ കേന്ദ്രകൃഷിമന്ത്രി നരേന്ദ്രസിംഗ് തോമര്‍ പങ്കുവച്ചിട്ടുണ്ടെന്ന് പ്രധാനമന്ത്രി നരേന്ദ്രമോദി. ഒപ്പം നരേന്ദ്രസിംഗ് തോമര്‍ വെള്ളിയാഴ്ച രാജ്യസഭയില്‍ നടത്തിയ പ്രസ്താവന മോദി ട്വീറ്റ് ചെയ്തു.

‘ കാര്‍ഷിക പരിഷ്‌കരണ നിയമങ്ങളെ കുറിച്ചുള്ള എല്ലാ വശങ്ങളുമായും ബന്ധപ്പെട്ട വിശദ വിവരങ്ങള്‍ കൃഷിമന്ത്രി @nstomar നല്‍കിയിട്ടുണ്ട്. അദ്ദേഹത്തിന്റെ പ്രസംഗം എല്ലാവരും കേള്‍ക്കണമെന്നാണ് എന്റെ വിനീതമായ അഭ്യര്‍ഥന’.- മോദി ട്വിറ്ററില്‍ കുറിച്ചു.

 

कृषि मंत्री श्री @nstomar जी ने राज्यसभा में कृषि सुधार कानूनों से जुड़े प्रत्येक पहलू को लेकर विस्तार से जानकारी दी है। मेरा विनम्र निवेदन है कि उनकी यह स्पीच जरूर सुनें। https://t.co/OUFrW7BfKo

— Narendra Modi (@narendramodi) February 5, 2021

രാജ്യത്തെ കര്‍ഷകരുടെ ക്ഷേമത്തിനായി സര്‍ക്കാര്‍ പ്രതിജ്ഞാബദ്ധമാണെന്ന് അദ്ദേഹം വ്യക്തമാക്കി. 12 വട്ടം കര്‍ഷകരുമായി ചര്‍ച്ച നടത്തി. സൂക്ഷ്മതയോടെയാണ് വിഷയം കൈകാര്യം ചെയ്യുന്നത്. നിയമത്തിലെ പോരായ്മകള്‍ ചൂണ്ടിക്കാട്ടണമെന്ന് ഞങ്ങള്‍ ആവശ്യപ്പെട്ടിട്ടുണ്ട് എന്നും നരേന്ദ്രസിംഗ് തോമര്‍ പറഞ്ഞു.