ജുബൈൽ: അവധി കഴിഞ്ഞ് സൗദിയിലേക്ക് മടങ്ങി വരുന്നതിനായി ദുബൈയിൽ എത്തിയ കൊല്ലം സ്വദേശി മരിച്ചു. ജുബൈൽ സൗദി സ്പെഷ്യലൈസ്ഡ് ജനറൽ കോൺട്രാക്ടിങ് എസ്റ്റാബ്ലിഷ്‌മെൻറ് (എസ്.എ.എസ്.പി) കമ്പനിയിലെ പ്രൊജക്റ്റ് കോ-ഓഡിനേറ്ററായിരുന്ന കൊല്ലം കുണ്ടറ പെരുമ്പുഴ ആശുപത്രി ജങ്ഷനിൽ ശിവശങ്കരപ്പിള്ളയുടെ മകൻ സുധീഷ് എസ്. പിള്ള (38) ആണ് ദുബൈയിലെ ആശുപത്രിയിൽ മരിച്ചിരിക്കുന്നത്.
രണ്ടുമാസം മുമ്പ് അവധിക്ക് നാട്ടിൽ പോയി ദുബൈയിൽ എത്തി ക്വാറൻറീനിൽ കഴിയുകയായിരുന്നു ഇയാൾ. ഹോട്ടൽ മുറിയിൽ ബോധരഹിതനായ സുധീഷിനെ ദുബൈയിലെ സർക്കാർ ആശുപത്രിയിൽ പ്രവേശിപ്പിച്ചു. തീവ്ര പരിചരണ വിഭാഗത്തിൽ വെൻറിലേറ്ററിലായിരുന്ന സുധീഷ് കഴിഞ്ഞ ദിവസം മരിക്കുകയുണ്ടായി. കോവിഡ് ഫലം നെഗറ്റിവ് ആയിരുന്നു. മൃതദേഹം നാട്ടിലെത്തിച്ച് സംസ്കരിച്ചു.
ഭാര്യ: ജീന. രണ്ടു സഹോദരന്മാരുണ്ട്. സുധീഷിെൻറ നിര്യാണത്തിൽ എസ്.എ.എസ്.പി കമ്പനി അധികൃതരും ജീവനക്കാരും അനുശോചിച്ചു.
Post Your Comments