തിരുവല്ലയിൽ വ്യത്യസ്ത അപകടങ്ങളിലായി നാലുപേർക്ക് പരിക്ക്

തിരുവല്ല : നഗരത്തിൽ വ്യത്യസ്ത അപകടങ്ങളിലായി നാലുപേർക്ക് പരിക്കേറ്റു. മുത്തൂർ സർവ്വീസ് സഹകരണ ബാങ്കിന് മുന്നിൽ ഓട്ടോറിക്ഷയും കാറും കൂട്ടിയിടിച്ച് ഓട്ടോ ഡ്രൈവർ ചങ്ങനാശ്ശേരി സ്വദേശി രാജന് (48) പരിക്കേറ്റു. ശനിയാഴ്ച രാവിലെ ഏഴിനായിരുന്നു സംഭവം.

മനയ്ക്കച്ചിറ പെട്രോൾ പമ്പിന് സമീപം ടോറസും വാനും സ്‌കൂട്ടറും കൂട്ടിയിടിച്ചാണ് മറ്റൊരു അപകടം ഉണ്ടായത്. സ്‌കൂട്ടറിൽ സഞ്ചരിച്ച തീപ്പനി തകിടിമലയിൽ സുമി (30) യ്ക്കാണ് പരിക്കേറ്റത്. ശനിയാഴ്ച ഉച്ചയ്ക്ക് ഒന്നിനാണ് അപകടം.

ഇടിഞ്ഞില്ലം ജങ്‌ഷനു സമീപം രണ്ട് ബൈക്കുകൾ കൂട്ടിയിടിച്ച് അപകടം ഉണ്ടായി. ശനിയാഴ്ച 11-നാണ് അപകടം സംഭവിച്ചത്. ബൈക്ക് ഓടിച്ചിരുന്ന രണ്ടുപേർക്കും പരിക്കേറ്റു.