യുഎഇയില്‍ 3939 പേര്‍ക്ക് കൂടി കൊവിഡ് ബാധ

അബുദാബി: യുഎഇയില്‍ ബുധനാഴ്‍ച 3939 പേര്‍ക്ക് കൂടി കൊറോണ വൈറസ് രോഗബാധ സ്ഥിരീകരിച്ചതായി ആരോഗ്യ പ്രതിരോധ മന്ത്രാലയം അറിയിക്കുകയുണ്ടായി. ചികിത്സയിലായിരുന്ന ആറ് പേര്‍ കൂടി മരണപ്പെടുകയും ചെയ്‍തു. എന്നാൽ അതേസമയം 4536 പേരാണ് പുതിയതായി രോഗമുക്തി നേടിയത്.

കഴിഞ്ഞ 24 മണിക്കൂറിനിടെ നടത്തിയ 1,74,016 കൊവിഡ് പരിശോധനകളില്‍ നിന്നാണ് പുതിയ രോഗികളെ കണ്ടെത്തുകയുണ്ടായത്. ഇതുവരെ 2.48 കോടി പരിശോധനകള്‍ രാജ്യത്ത് നടത്തിയിട്ടുണ്ട്. ഇതുവരെയുള്ള കണക്കുകള്‍ പ്രകാരം രാജ്യത്ത് 2,89,086 പേര്‍ക്ക് കൊവിഡ് സ്ഥിരീകരിച്ചിട്ടുണ്ട്. ഇവരില്‍ 2,63,730 പേരാണ് ഇതിനോടകം രോഗമുക്തരായത്. 811 കൊവിഡ് മരണങ്ങളും രാജ്യത്ത് റിപ്പോര്‍ട്ട് ചെയ്യപ്പെട്ടു. നിലവില്‍ 24,545 കൊവിഡ് രോഗികളാണ് യുഎഇയിലുള്ളത്.