തിരുവനന്തപുരം: വനിതാ കമീഷന്‍ അധ്യക്ഷ എം.സി ജോസഫൈനെതിരെ രൂക്ഷ വിമർശനവുമായി പി.സി.ജോര്‍ജ് എം.എല്‍.എ. കിടപ്പു രോഗിയായ വൃദ്ധയോട് നേരിട്ട് ഹാജരാകാന്‍ നിര്‍ബന്ധിച്ചഎം.സി ജോസഫൈന്റെ നടപടിക്കെതിരെയാണ് പി.സി.ജോര്‍ജ്ജിന്റെ പ്രതികരണം. ജോസഫൈന്റെ മനോനില പരിശോധിക്കണമെന്നും സര്‍ക്കാര്‍ ഇടപെട്ട് അവരെ മാനസിക പരിശോധനയ്ക്ക് വിധേയയാക്കണമെന്നും പൂഞ്ഞാര്‍ എം.എല്‍.എ ആവശ്യപ്പെട്ടു.
Read Also: ‘വീഡിയോ കോണ്‍ഫറന്‍സ് മുഖേന കാണാനുള്ള അവസ്ഥയിലല്ല ഉമ്മ’; കാപ്പന്‍റെ കുടുംബം
എന്നാൽ വനിതാ കമ്മീഷന് പരാതി നല്‍കിയ പത്തനംതിട്ട റാന്നി കോട്ടാങ്ങല്‍ സ്വദേശിനിയായ ലക്ഷ്മിക്കുട്ടിയമ്മയോട് നേരിട്ട് ഹാജരാകാന്‍ നിര്‍ബന്ധിച്ചതായാണ് ബന്ധുവിന്‍റെ പരാതി. 89 വയസ്സുള്ള തള്ളയെക്കൊണ്ട് പരാതി കൊടുപ്പിക്കാന്‍ ആരാണ് പറഞ്ഞതെന്നായിരുന്നു പരമാര്‍ശം. ജോസഫൈനും ബന്ധുവും തമ്മിലുള്ള ഫോണ്‍ സംഭാഷണം പുറത്തുവന്നിരുന്നു. തുടര്‍ന്ന് ജോസഫൈനെതിരെ വ്യാപക വിമര്‍ശനമാണ് ഉയര്‍ന്നത്.
Post Your Comments