യു​വാ​വ് ഷോ​ക്കേ​റ്റ് മ​രി​ച്ച സം​ഭ​വ​ത്തി​ൽ രണ്ടുപേർ അറസ്റ്റിൽ

ചെ​റു​തു​രു​ത്തി: പൈ​ങ്കു​ള​ത്ത് യു​വാ​വ് ഷോ​ക്കേ​റ്റ് മ​രി​ച്ച സം​ഭ​വ​ത്തി​ൽ ര​ണ്ടു​പേ​രെ അറസ്റ്റ് ചെയ്തു. പൈ​ങ്കു​ളം തൊ​ഴു​പ്പാ​ടം കൊ​ക്കോ​ട്ടി​ൽ വീ​ട്ടി​ൽ വി​നോ​ദ് (36), പൈ​ങ്കു​ളം വാ​ഴാ​ലി​പ്പാ​ടം ക​ല്ലാ​റ്റു​പ​ടി വീ​ട്ടി​ൽ അ​ജി​ത്ത് (25) എ​ന്നി​വ​രെ​യാ​ണ് സി.​ഐ സു​രേ​ന്ദ്ര​ൻ ക​ല്ലി​യാ​ട​നും സം​ഘ​വും അറസ്റ്റ് ചെയ്തിരിക്കുന്നത്.

ര​ണ്ടു​ദി​വ​സം മു​മ്പാ​ണ് പൈ​ങ്കു​ളം വാ​ഴാ​ലി​പ്പാ​ട​ത്ത് പ​ന്നി​ക​ളെ ഷോ​ക്കേ​ൽ​പി​ച്ചു പി​ടി​കൂ​ടു​ന്ന​തി​നി​ടെ രോ​ഹി​ത്ത് (26) എ​ന്ന യു​വാ​വ് ദാരുണമായി മ​രി​ച്ച​ത്. സം​ഭ​വ​ത്തി​ൽ ദു​രൂ​ഹ​ത ഉ​ണ്ടെ​ന്ന് മ​ന​സ്സി​ലാ​ക്കി​യ പൊ​ലീ​സ് അ​ന്വേ​ഷ​ണം ആരംഭിക്കുകയാണ് ഉണ്ടായത്.

പ​ന്നി​യെ പി​ടി​ക്കാ​നാ​യി ഷോ​ക്ക് ഇ​ട്ട വെ​ള്ള​ത്തി​ൽ​നി​ന്നാ​ണ് രോ​ഹി​ത്തി​ന് ഷോ​ക്കേ​റ്റ​തെ​ന്ന് തി​രി​ച്ച​റി​ഞ്ഞി​രു​ന്നു. പ്രാ​ഥ​മി​ക അ​േ​ന്വ​ഷ​ണ​ത്തി​ന് എ​ത്തി​യ​പ്പോ​ൾ ക​ണ്ട വ​യ​റു​ക​ളും ക​മ്പി​ക​ളും പി​ന്നീ​ട് കാ​ണാ​താ​യ​പ്പോ​ൾ കൂ​ടു​ത​ൽ അ​ന്വേ​ഷ​ണം ഊ​ർ​ജി​ത​മാ​ക്കുകയാണ് ഉണ്ടായത്.

പി​ന്നീ​ട് ന​ട​ത്തി​യ തി​രി​ച്ചി​ലാ​ണ് ക​മ്പി​യും വ​യ​റു​ക​ളും അ​ടു​ത്തു​ള്ള പ​റ​മ്പി​ലെ പൊ​ട്ട​ക്കി​ണ​റ്റി​ൽ​നി​ന്ന്​ കി​ട്ടി​യ​ത്. പ്ര​തി​ക​ളെ സം​ഭ​വ​സ്ഥ​ല​ത്തെ​ത്തി​ച്ച് തെ​ളി​വെ​ടു​പ്പ് നടത്തുകയുണ്ടായി. മ​നഃ​പൂ​ർ​വ​മ​ല്ലാ​ത്ത ന​ര​ഹ​ത്യ, കാ​ട്ടു​മൃ​ഗ​ങ്ങ​ളെ അ​പാ​യ​പ്പെ​ടു​ത്ത​ൽ, വൈ​ദ്യു​തി മോ​ഷ​ണം തു​ട​ങ്ങി വ​കു​പ്പു​ക​ൾ ഉ​ൾ​പ്പെ​ടു​ത്തി​യാ​ണ് പ്ര​തി​ക​ൾ​ക്കെ​തി​രെ കേ​സെ​ടു​ത്ത​ത്.

ഇ​വ​രെ വ​ട​ക്കാ​ഞ്ചേ​രി കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. ഇ​തി​നു​മു​മ്പും ഈ ​ര​ണ്ട് പ്ര​തി​ക​ളും വി​വി​ധ കേ​സു​ക​ളി​ൽ ജ​യി​ൽ ശി​ക്ഷ അ​നു​ഭ​വി​ച്ചി​ട്ടു​ണ്ട്. അ​ന്വേ​ഷ​ണ​ത്തി​ന് എ​സ്.​ഐ​മാ​രാ​യ മൊ​യ്തീ​ൻ കു​ട്ടി, ആ​ൻ​റ​ണി ക്രോം​സ​ൺ, മു​ഹ​മ്മ​ദ് അ​ഷ​റ​ഫ്, അ​ഡീ​ഷ​ന​ൽ എ​സ്.​ഐ അ​ശോ​ക​ൻ, സി.​പി.​ഒ​മാ​രാ​യ അ​നി​ൽ, രം​ഗ​രാ​ജ് എ​ന്നി​വ​ർ നേ​തൃ​ത്വം ന​ൽ​കി.