കല്ലമ്പലം : കടമ്പാട്ടുകോണത്ത് വീട്ടിൽ നിർത്തിയിട്ടിരുന്ന ഇരുചക്രവാഹനം കത്തിക്കരിഞ്ഞ നിലയിൽ. കടമ്പാട്ടുകോണം പുത്തൻവിള വീട്ടിൽ രഞ്ജിത്തിന്റെ ഇരുചക്ര വാഹനമാണ് പൂർണമായും കത്തിക്കരിഞ്ഞ അവസ്ഥയിൽ കണ്ടെത്തിയത്. വ്യാഴാഴ്ച രാത്രിയോടെയായിരുന്നു ഞെട്ടിക്കുന്ന സംഭവം.
ശബ്ദം കേട്ട് ഓടിയെത്തിയ വീട്ടുകാർ കാണുന്നത് വാഹനത്തിൽ തീ ആളിപടരുന്നതാണ്. ഉടൻ വെള്ളമൊഴിച്ച് തീയണച്ചെങ്കിലും വാഹനം ഉപയോഗിക്കാൻ കഴിയാത്ത വിധം കത്തിനശിച്ചിരുന്നു. കല്ലമ്പലം പോലീസ് സംഘവും ഫൊറൻസിക് വിദഗ്ദ്ധരും ഡോഗ് സ്ക്വാഡും എത്തി പരിശോധന നടത്തി.
Post Your Comments