അതിഥിതൊഴിലാളികൾ താമസിച്ചിരുന്ന ക്യാമ്പിൽ നിന്ന് കഞ്ചാവ് ചെടികൾ കണ്ടെത്തി

ആലപ്പുഴ: അതിഥി തൊഴിലാളികൾ താമസിച്ചിരുന്ന ക്യാമ്പിൽ നൂറനാട് എക്സൈസ് നടത്തിയ പരിശോധനയിൽ നട്ടുവളർത്തിയ കഞ്ചാവ് ചെടികൾ കണ്ടെത്തുകയുണ്ടായി. താമരക്കുളം നാലു മുക്കിന് സമീപമുള്ള അതിഥിതൊഴിലാളി ക്യാമ്പിൽ വീടിന് പുറക് വശത്തായി ബക്കറ്റിൽ വളർത്തിയ നിലയിലാണ് മൂന്ന് കഞ്ചാവ് ചെടികൾ കണ്ടെത്തിയിരിക്കുന്നത്. നാലു മാസത്തോളം വളർച്ചയുള്ള ചെടിയാണ് പിടികൂടിയിരിക്കുന്നത്. താമരക്കുളം കിഴക്ക് കുന്നുവിളയിൽ ഷെഫിക്കിന്റെ ഉടമസ്ഥതയിലുള്ള വീടാണിത്. വീട്ടിൽ താമസിച്ചിരുന്ന ബംഗാൾ, ആസാം സ്വദേശികളെ കേന്ദ്രീകരിച്ച് അന്വേഷണം തുടങ്ങിയതായി അറിയിക്കുകയുണ്ടായി.