കോഴിക്കോട്: ടാങ്കർ ലോറി കയറി സ്കൂട്ടർ യാത്രക്കാരന് ദാരുണാന്ത്യം. താമരശ്ശേരി കുടുക്കിൽഉമ്മരം പുതിയാമ്പത്ത് അപ്പുനായരാണ് (70) അപകടത്തിൽ മരിച്ചിരിക്കുന്നത്. ദേശീയപാതയിൽ താമരശ്ശേരി ട്രഷറിക്ക് മുൻവശത്ത് പൊലീസ് സ്റ്റേഷന് സമീപത്ത് വച്ചായിരുന്നു അപകടം ഉണ്ടായിരിക്കുന്നത്. താമരശ്ശേരി ഷമീന തിയറ്ററിലെ ജീവനക്കാരനായിരുന്നു അപ്പു നായർ. താമരശ്ശേരി കാരാടി ഭാഗത്ത് നിന്നും ചുങ്കം ഭാഗത്തേക്ക് പോകുകയായിരുന്നു ഇരു വാഹനങ്ങളും. ടാങ്കർ ലോറിയുടെ പിൻവശത്തെ ഇടതുഭാഗത്തെ ടയറിനടിയിലേക്ക് വീണ് ടയർ കയറിയാണ് അപകടമുണ്ടായത്.
അപ്പു നായർ സഞ്ചരിച്ച കെ.എൽ.- 57-9834 നമ്പർ ആക്ടിവ സ്കൂട്ടറിൽ ലോറിയുടെ ഭാഗം ചെറുതായി തട്ടിയതിനെ തുടർന്ന് ടയറിനടിയിലേക്ക് പതിക്കുകയായിരുന്നുവെന്നാണ് ദൃക്സാക്ഷികൾ പറയുകയുണ്ടായി. ഇരു വാഹനങ്ങളും റോഡിൻ്റെ ഓരത്തായിരുന്നു ഉണ്ടായിരുന്നത്. മൃതദേഹം കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.
Post Your Comments