15കാരിയെ അമ്മയുടെ കാമുകൻ പീഡിപ്പിച്ച് ഗർഭിണിയാക്കി

ചെന്നൈ: പതിനഞ്ചുകാരിയെ അമ്മയുടെ കാമുകൻ പീഡിപ്പിച്ച് ഗർഭിണിയാക്കിയിരിക്കുന്നു. അമ്മയുടെ ഒത്താശയോടെയായിരുന്നു പെൺകുട്ടിയെ പ്രതി ലൈംഗികമായി പീഡിപ്പിച്ചതും. തമിഴ്നാട്ടിലെ മാടിപാക്കത്താണ് നാടിനെ നടുക്കിയ ക്രൂര സംഭവം ഉണ്ടായിരിക്കുന്നത്. സംഭവത്തിൽ പീഡനത്തിന് ഇരയായ പെൺകുട്ടിയുടെ അമ്മയെയും ഇവരുടെ കാമുകനെയും പൊലീസ് കസ്റ്റഡിയിലെടുത്തിരിക്കുകയാണ്. വർഷങ്ങൾക്കു മുൻപ് ഭർത്താവുമായി വിവാഹ ബന്ധം വേർപ്പെടുത്തിയ നന്ദിനി എന്ന സ്ത്രീ പെയിന്റിങ്ങ് തൊഴിലാളിയായ ശേഖറുമായി ബന്ധം സ്ഥാപിക്കുകയായിരുന്നു ഉണ്ടായത്.

ഇയാൾ സ്ത്രീയുടെ വീട്ടിൽ നിത്യസന്ദർശകനായിരുന്നു. പലതവണ ശേഖർ നന്ദിനിയുടെ മൂത്തമകളായ 15 വയസ്സുള്ള പെൺകുട്ടിയെ ലൈംഗിക പീഡനത്തിന് ഇരയാക്കുകയുണ്ടായി. പെൺകുട്ടി ഇക്കാര്യം അമ്മയെ അറിയിച്ചിരുന്നെങ്കിലും കാമുകനുമായി സഹകരിക്കാനായിരുന്നു അമ്മ പെൺകുട്ടിയോട് പറഞ്ഞതും. തുടർന്ന് ഗർഭിണിയായ പെൺകുട്ടിയെ അമ്മ തന്റെ സഹോദരന്റെ വീട്ടിലാക്കി. ഗർഭിണിയാണെന്ന വിവരം മറച്ചുവച്ചാണ് പെൺകുട്ടിയെ അമ്മാവന്റെ വീട്ടിൽ എത്തിക്കുകയുണ്ടായത്. താൻ ഗർഭിണിയാണെന്ന വിവരം പെൺകുട്ടി തന്നെ അമ്മാവനെ അറിയിക്കുയായിരുന്നു ഉണ്ടായത്. തുടർന്ന് കുട്ടിയുടെ അമ്മയുമായി ബന്ധപ്പെടാൻ ശ്രമിച്ചിരുന്നതായി അമ്മാവൻ പൊലീസിന് മൊഴിനൽകി. അമ്മാവന്റെ പരാതിയുടെ അടിസ്ഥാനത്തിലാണ് യുവതിക്കും കാമുകനും എതിരെ പോലീസ് കേസെടുത്തത്. ഇരുവർക്കും എതിരെ പോക്സോ നിയമപ്രകാരമുള്ള കുറ്റം ചുമത്തി. ഒക്ടോബറിൽ കുഞ്ഞിന് ജന്മം നല്‍കിയ പെൺകുട്ടിയെ മാതൃശിശുസംരക്ഷണ കേന്ദ്രത്തിലേക്ക് മാറ്റിയിരിക്കുകയാണ്.