Jannah Theme License is not validated, Go to the theme options page to validate the license, You need a single license for each domain name.
Latest NewsNewsGulf

കാണാതായ പ്രവാസി മലയാളിയെ മരിച്ച നിലയില്‍ കണ്ടെത്തി

ദുബൈ: ദുബൈയില്‍ ഒരാഴ്ച മുൻപ് കാണാതായ മലയാളിയെ മരിച്ച നിലയില്‍ കണ്ടെത്തിയിരിക്കുന്നു . ജബല്‍ അലിയില്‍ നിന്ന് ഡിസംബര്‍ എട്ടിന് കാണാതായ കൊച്ചി മൂലാംപള്ളി വടക്കേപ്പറമ്ബില്‍ സേവ്യറിന്റെ മകന്‍ സുനില്‍ സേവ്യറിനെയാണ് (45)മരിച്ച നിലയിൽ കണ്ടെത്തിയിരിക്കുന്നത്. ജബല്‍ അലിയില്‍ നിന്ന് തന്നെ പൊലീസ് മൃതദേഹം കണ്ടെത്തുകയായിരുന്നു ഉണ്ടായത്. പൊലീസ് മോര്‍ച്ചറിയില്‍ സൂക്ഷിച്ചിട്ടുള്ള മൃതദേഹം ബന്ധു ഷിനോയ് ചൊവ്വാഴ്ച തിരിച്ചറിഞ്ഞു. നടപടികള്‍ പൂര്‍ത്തിയാക്കി മൃതദേഹം നാട്ടിലേയ്ക്ക് കൊണ്ടുപോക്കുന്നതാണ്.

നേരത്തെ 13 വര്‍ഷം ദുബൈയില്‍ ജോലി ചെയ്തിരുന്ന പെയിന്ററായ സുനില്‍ ജോലി ഉപേക്ഷിച്ച്‌ നാട്ടിലേയ്ക്ക് തിരിച്ചുപോവുകയും രണ്ടു മാസം മുന്‍പ് വീണ്ടും ജോലി അന്വേഷിച്ച്‌ ടൂറിസ്റ്റ് വിസയില്‍ വരികയുമായിരുന്നു ഉണ്ടായിരുന്നത്. നേരത്തെ ഒപ്പം ജോലി ചെയ്തിരുന്നവരുടെ കമ്ബനിയില്‍ പുതിയ ജോലി ലഭിച്ച്‌ വിസാ നടപടികള്‍ പൂര്‍ത്തിയാക്കിയിരുന്നു.

കാണാതായ ദിവസം വൈകിട്ട് ആറുമണിക്ക് പുറത്തിറങ്ങിയ സുനില്‍ തിരിച്ചുവരാത്തതിനെ തുടര്‍ന്ന് പരിസരത്ത് അന്വേഷിച്ചെങ്കിലും ഇയാളെ കണ്ടെത്താനായി കഴിഞ്ഞില്ല. പിന്നീട് ഷിനോയ് ജബല്‍ അലി പൊലീസിലും ഇന്ത്യന്‍ കോണ്‍സുലേറ്റിലും പരാതി നല്‍കുകയായിരുന്നു .സേവ്യര്‍-മേരി സേവ്യര്‍ ദമ്ബതികളുടെ മകനാണ്. ഭാര്യ: പ്രവീണ. രണ്ട് മക്കളുണ്ട്.

 

shortlink

Related Articles

Post Your Comments

Related Articles


Back to top button