ഡല്‍ഹി : മുതിര്‍ന്ന മാധ്യമപ്രവര്‍ത്തകന്‍ ഡി.വിജയമോഹന്‍ (65) അന്തരിച്ചു. മലയാള മനോരമ ഡല്‍ഹി സീനിയര്‍ കോര്‍ഡിനേറ്റിങ് എഡിറ്ററാണ് ഡി. വിജയമോഹന്‍ .കോവിഡ് ബാധിച്ച് സെന്റ് സ്റ്റീഫന്‍സ് ആശുപത്രിയില്‍ ചികിത്സയിലിരിക്കെയാണു മരണം. തിരുവനന്തപുരം നെടുമങ്ങാട് സ്വദേശിയായ ഡി. വിജയമോഹന്‍ മാര്‍ ഈവാനിയോസ് കോളജില്‍ നിന്നാണ് ഉപരിപഠനം പൂര്‍ത്തിയാക്കിയത്.
Read Also : പ്രദീപിന്റെ മരണം, മൊഴിയെടുക്കാന്‍ അമ്മയെ പൊലീസ് സ്റ്റേഷനിലേയ്‌ക്കെത്തിക്കാന്‍ നിര്‍ബന്ധം
1978ല്‍ മലയാള മനോരമയില്‍ പ്രവേശിച്ചു. കോമണ്‍വെല്‍ത്ത് പ്രസ് യൂണിയന്റെ ഫെല്ലോഷിപ്പില്‍ ഇംഗ്ലണ്ടില്‍ പത്രപ്രവര്‍ത്തനത്തില്‍ ഉപരിപഠനം നടത്തിയിട്ടുണ്ട്. 30 വര്‍ഷത്തിലേറെയായി ഡല്‍ഹി ബ്യൂറോയില്‍ പ്രവര്‍ത്തിച്ച് വരികയായിരുന്നു.
ചെന്താര്‍ക്കഴല്‍, ഈ ലോകം അതിലൊരു മുകുന്ദന്‍ തുടങ്ങിയ പുസ്തകങ്ങള്‍ രചിച്ചു. എ. രാമചന്ദ്രന്റെ വരമൊഴികള്‍ക്കു കേരള ലളിതകലാ അക്കാദമിയുടെ അവാര്‍ഡ് ലഭിച്ചിട്ടുണ്ട്.
Post Your Comments