തിരുവനന്തപുരം: സംസ്ഥാനം ഇനി ആര് ഭരണം നടത്തുമെന്ന ആശങ്കയിൽ ത്രികോണ മുന്നണികൾ. എന്നാൽ എൽഡിഎഫ് ചരിത്ര വിജയം നേടുമെന്ന് മുഖ്യമന്ത്രി പിണറായി വിജയൻ. സർക്കാരിനെതിരെ എതിർപക്ഷം നടത്തുന്ന സംഘടിത നുണ പ്രചാരണങ്ങൾക്കു ജനങ്ങൾ വില കൽപിക്കുന്നില്ലെന്നും തദ്ദേശ തിരഞ്ഞെടുപ്പിൽ മുഖ്യമന്ത്രി വ്യക്തമാക്കി.
അതേസമയം സർക്കാരിന്റെ ഇടപെടൽ അനുഭവിച്ചറിഞ്ഞ കേരളീയരെ സ്വാധീനിക്കാൻ അപവാദ പ്രചാരണങ്ങൾക്കു കഴിയില്ലെന്നു തിരഞ്ഞെടുപ്പു ഫലം തെളിയിക്കും. സർക്കാരിനെതിരെ അപവാദ കഥകളുടെ പ്രളയം സൃഷ്ടിച്ച് അഴിമതിക്കെതിരെ വോട്ടു തേടിയവർ അഴിമതിയുടെ ആഴങ്ങളിൽ മുങ്ങുകയാണ്. ആരോപണങ്ങൾ മാധ്യമ സഹായത്തോടെ പ്രചരിപ്പിക്കുന്നതല്ലാതെ മറ്റൊന്നും പറയാൻ കഴിയാത്ത അവസ്ഥയിലാണു യുഡിഎഫ്.
Read Also: നിഷേധിച്ചു; ഇക്കുറി വോട്ട് ചെയ്യാൻ വിഎസ് ഇല്ല
കേരളം പിടിക്കുമെന്ന് അവകാശപ്പെടാറുള്ള ബിജെപിക്ക് ഇന്ന് അത്തരമൊരു അവകാശവാദം ഉന്നയിക്കാനുള്ള കെൽപ്പില്ല. കേന്ദ്ര അന്വേഷണ ഏജൻസികളെ രാഷ്ട്രീയ നേട്ടത്തിനു ദുരുപയോഗിക്കുകയാണ് അവർ. യുഡിഎഫിനെ സഹായിക്കാനുള്ള ബിജെപി നീക്കവും പുറത്തു വന്നു. കഴിഞ്ഞ നിയമസഭാ തിരഞ്ഞെടുപ്പിൽ ഉണ്ടായിരുന്നതിനെക്കാൾ വിപുലവും ശക്തവുമായ ജനകീയ അടിത്തറയാണ് ഇന്ന് എൽഡിഎഫിന്റേത്.
എൽഡിഎഫ് സർക്കാരിന്റെ കൂടുതൽ തിളക്കത്തോടെയുള്ള തുടർച്ചയ്ക്ക് അടിത്തറയായി തിരഞ്ഞെടുപ്പു ഫലം മാറുമെന്നും മുഖ്യമന്ത്രി അവകാശപ്പെട്ടു. തിരഞ്ഞെടുപ്പ് അടുക്കുമ്പോൾ അപവാദ പ്രചാരണങ്ങളും നുണ നിർമാണവും വ്യാപകമായി നടത്താൻ എതിർ കേന്ദ്രങ്ങൾ തയാറാകുന്നുണ്ട്. ഓരോദിവസവും പുതിയ നുണ അവതരിപ്പിക്കുക, അതു തകരുമ്പോൾ മറ്റൊന്നിലേക്കു പോവുക എന്ന രീതിയാണു കാണുന്നത്. അത്തരം ഹീന നീക്കങ്ങൾ തുറന്നുകാട്ടാൻ എൽഡിഎഫ് പ്രവർത്തകരും, ജാഗ്രത പുലർത്താൻ ജനങ്ങളും തയാറാകണം.
Post Your Comments