യുഎഇയില്‍ ഇന്ന് കോവിഡ് ബാധിച്ചത് 1,153 പേര്‍ക്ക്

അബുദാബി: യുഎഇയില്‍ ഇന്ന് 1,153 പേര്‍ക്ക് കൂടി കൊറോണ വൈറസ് രോഗം സ്ഥിരീകരിച്ചതായി ആരോഗ്യ പ്രതിരോധ മന്ത്രാലയം അറിയിക്കുകയുണ്ടായി. ചികിത്സയിലായിരുന്ന 634 പേര്‍ രോഗമുക്തി നേടുകയുണ്ടായി. എന്നാൽ അതേസമയം കഴിഞ്ഞ 24 മണിക്കൂറിനിടെ രാജ്യത്ത് 3 പേർകൂടി കൊറോണ വൈറസ് രോഗം ബാധിച്ച്‌ മരിച്ചു.

92,147 കൊവിഡ് പരിശോധനകളാണ് യുഎഇയിലുടനീളം കഴിഞ്ഞ 24 മണിക്കൂറിനിടെ നടത്തുകയുണ്ടായത്. രാജ്യത്ത് ഇതുവരെ കൊറോണ വൈറസ് രോഗം സ്ഥിരീകരിക്കപ്പെട്ടവരുടെ എണ്ണം 176,429 ആയി ഉയർന്നു. ഇവരില്‍ 159,132 പേരാണ് ഇതിനോടകം രോഗമുക്തരായത്.