ന്യൂഡൽഹി; വീട്ടിൽ അതിക്രമിച്ച് കയറി പ്രായപൂര്‍ത്തിയാകാത്ത പെണ്‍കുട്ടിയെ ആക്രമിച്ചു, രാജസ്ഥാനില്‍ പ്രായപൂര്‍ത്തിയാകാത്ത പെണ്‍കുട്ടിയെ ആക്രമിച്ച പ്രതിയെ ക്രൂരമായി മര്‍ദ്ദിച്ച്‌ മലം കഴിപ്പിക്കാന്‍ ശ്രമിച്ചതായി പരാതി പുറത്ത്.
അർധരാത്രി വീട്ടിലെത്തി പെണ്‍കുട്ടിയെ ഉപദ്രവിക്കാന്‍ ശ്രമിച്ച പ്രതിയെ വീട്ടുകാരിലൊരാള്‍ പിടികൂടുകയായിരുന്നു. പിന്നീട് ആക്രമിക്കുകയും മലം കഴിക്കാന്‍ നിര്‍ബന്ധിക്കുകയുമായിരുന്നുവെന്ന് ബസേരി പൊലീസ് സ്റ്റേഷനിലെ മുതിര്‍ന്ന പൊലീസ് ഉദ്യോഗസ്ഥർ വ്യക്തമാക്കി.
വീട്ടുകാർ പ്രതിയെ ആക്രമിക്കുന്ന ദൃശ്യങ്ങള്‍ സാമൂഹിക മാധ്യമങ്ങളില്‍ പ്രചരിച്ചു. അയാളെ അടിക്കുന്നതും മലം കഴിപ്പിക്കാന്‍ ശ്രമിക്കുന്നതും വിഡിയോയില്‍ വ്യക്തമായി ചിത്രീകരിച്ചു.
വീട്ടിൽ അതിക്രമിച്ച് കയറി പെണ്‍കുട്ടിയെ ആക്രമിച്ചതിന് പ്രതിക്കെതിരെയും പ്രതിയെ ആക്രമിച്ച പെണ്‍കുട്ടികളുടെ ബന്ധുക്കള്‍ക്കെതിരെയും പൊലീസ് കേസ് രജിസ്റ്റര്‍ ചെയ്തു.
Post Your Comments