കാറിൽ മയക്കുമരുന്നു കടത്താൻ ശ്രമിച്ച യുവതിയടക്കം മൂന്നുപേര്‍ പിടിയില്‍

ആലുവ: കാറിൽ എംഡിഎംഎ കടത്താൻ ശ്രമിച്ച മയക്കുമരുന്ന് സംഘം ആലുവയിൽ അറസ്റ്റിൽ ആയിരിക്കുന്നു. യുവതിയടക്കം മൂന്ന് പേരെയാണ് എക്സൈസ് സംഘം അറസ്റ്റ് ചെയ്തിരിക്കുന്നത്. എറണാകുളം എക്‌സൈസ് ഡെപ്യൂട്ടി കമ്മീഷണർ ടി എ അശോക് കുമാറിന് ലഭിച്ച രഹസ്യവിവരത്തിന്‍റെ അടിസ്ഥാനത്തിൽ നടത്തിയ വാഹന പരിശോധനയ്ക്കിടെയാണ് പ്രതികൾ വലയിലായത്. പാലക്കാട്‌ സ്വദേശി കസ്തൂരിമണി, ഇടുക്കി സ്വദേശി ജോസഫ്, കോട്ടയം സ്വദേശി പ്രണവ് പൈലി എന്നിവരെയാണ് അറസ്റ്റ് ചെയ്തത്. ഇവരിൽ നിന്നും 17 ഗ്രാം എംഡിഎംഎ പിടിച്ചെടുത്തു. മയക്കുമരുന്ന് കടത്താൻ ശ്രമിച്ച കാറും എകസൈസ് കസ്റ്റഡിയിലെടുത്തു.