പ്രവർത്തിച്ചിരുന്ന പാർട്ടിയിൽ നിന്നു മാറി ദേശീയതയിലേക്കെത്തിയത് പ്രധാനമന്ത്രി മോദിയുടെ ഭരണ മികവും സുതാര്യമായ രാഷ്ട്രീയ പ്രവർത്തനത്തിലും ആകൃഷ്ടനായി; ഇന്ന് ഈ സ്ഥാനാര്‍ഥിക്ക് പേരില്‍ തന്നെയുണ്ട് ചിഹ്നം

ചവറ; ഇവിടെ സ്ഥാനാർഥിക്ക് തന്റെ ചിഹ്നം പേരിൽ തന്നെയുണ്ടെന്ന കൗതുകകരമായ കാര്യം സോഷ്യൽ മീഡിയയിൽ വൈറലാകുന്നു, ചവറ തെക്കുംഭാ​ഗം വീട്ടിൽ താമരാൽ ശശിക്കാണ്  സുവർണ്ണ അവസരം കൈവന്നിരിയ്ക്കുന്നത്.

മൂന്നര പതിറ്റാണ്ടോളം രാഷ്ട്രീയ പ്രവർത്തനത്തിൽ അനുഭവ സമ്പത്തുള്ള താമരാൽ ശശി ഇത്തവണ മത്സര രം​ഗത്തുണ്ട്. ആദ്യകാലങ്ങളിൽ ആർഎസ്പി പ്രവർത്തകനായിരുന്ന ശശി രാജ്യത്തിന്റെ പുരോ​ഗതിയ്ക്ക് കാര്യമായ പ്രവർത്തനം ബിജെപിയുടെ ഭാ​ഗത്ത് നിന്ന് ഉണ്ടായത് മനസിലാക്കിയും മോദിയുടെ നേതൃത്വ പാടവവും , സുതാര്യമായ രാഷ്ട്രീയ പ്രവർത്തനവും ആകർഷിച്ചതോടെ ദേശീയതയുടെ ഭാ​ഗമാകുകയായിരുന്നു.

കൂടാതെ ഇപ്പോൾ സ്ഥാനാർഥിയായതോടെ പാർട്ടി തനിക്ക് മികച്ച പരി​ഗണന നൽകിയെന്നും ശശി സന്തോഷത്തോടെ പറയുന്നു, ഭാര്യ ഷീജ, ധനീഷ്,. ധനുഷ് എന്നിവർ മക്കളാണ്. ചവറ ബ്ലോക്കിൽ ബിജെപിയുടെ മികച്ച വിജയത്തിനായി പ്രവർത്തിക്കുകയാണ് ഇദ്ദേഹം ഇപ്പോൾ.