ദില്ലി : 2020 ഫെബ്രുവരിയില്‍ വടക്കുകിഴക്കന്‍ ദില്ലിയില്‍ നടന്ന വര്‍ഗീയ അക്രമവുമായി ബന്ധപ്പെട്ട കേസില്‍ സ്റ്റുഡന്റ് ആക്ടിവിസ്റ്റ് ഗുല്‍ഫിഷ ഫാത്തിമയ്ക്ക് ജാമ്യം. ദില്ലിയിലെ ജാഫ്രാബാദ് പ്രദേശത്ത് നടന്ന കലാപവുമായി ബന്ധപ്പെട്ട് അക്രമത്തെത്തുടര്‍ന്ന് ഒരാള്‍ മരിച്ചുവെന്ന കേസില്‍ 30,000 രൂപ കെട്ടിവച്ചതിനെ തുടര്‍ന്നാണ് അഡീഷണല്‍ സെഷന്‍സ് ജഡ്ജി അമിതാഭ് റാവത്ത് ജാമ്യം അനുവദിച്ചത്.
സമാധാനപരമായ പ്രതിഷേധത്തിന്റെ മറവില്‍ ഫാത്തിമയും മറ്റ് പ്രവര്‍ത്തകരായ ഉമര്‍ ഖാലിദ്, നതാഷ നര്‍വാള്‍, ദേവങ്കണ കലിത എന്നിവരും ജാഫ്രാബാദില്‍ കലാപം സൃഷ്ടിക്കാന്‍ ഗൂഢാലോചന നടത്തിയെന്നാണ് ആരോപണം. ഈ കേസില്‍ സഹപ്രതികളായ ദേവങ്കണ കലിത, ജെഎന്‍യു വിദ്യാര്‍ത്ഥികളും നതാഷ നര്‍വാളും – പിഎന്‍ജ ടോഡ് അംഗങ്ങള്‍ക്കും കോടതി ജാമ്യം അനുവദിച്ചു.
ഫാത്തിമയെ ജൂണ്‍ 3 മുതല്‍ കസ്റ്റഡിയില്‍ വിട്ടിരുന്നു. നിയമവിരുദ്ധ പ്രവര്‍ത്തന നിയമപ്രകാരം കലാപത്തിന് ഗൂഢാലോചന നടത്തി എന്ന് ആരോപിച്ച് പ്രത്യേക കേസിലാണ് ഇവരെ അറസ്റ്റ് ചെയ്തത്. ഇവര്‍ തിഹാര്‍ ജയിലില്‍ കഴിയുകയിരുന്നു.
കേസില്‍ ഫാത്തിമയെ വ്യാജമായും ദ്രോഹപരമായും പ്രതി ചേര്‍ത്തിട്ടുണ്ടെന്നും അവളുടെ പങ്കാളിത്തം തെളിയിക്കുന്നതിന് മതിയായ തെളിവുകളില്ലെന്നും അവളുടെ അഭിഭാഷകന്‍ മെഹ്മൂദ് പ്രാച്ച കോടതിയെ അറിയിച്ചു. സിഎഎ, എന്‍ആര്‍സി നയങ്ങള്‍ക്കെതിരെ ഫാത്തിമയും മറ്റ് പ്രവര്‍ത്തകരും നാട്ടുകാരെ പ്രേരിപ്പിക്കുന്നതില്‍ ഏര്‍പ്പെട്ടിരുന്നുവെന്ന് പോലീസിന് വേണ്ടി ഹാജരായ രാജീവ് കൃഷന്‍ ശര്‍മ പറഞ്ഞു.
Post Your Comments