മുംബൈ ആക്രമണത്തിന്റെ മുഖ്യസൂത്രധാരനായ ഹാഫിസ് സയീദിനെ രണ്ട് ഭീകര കേസുകളില്‍ ശിക്ഷ വിധിച്ച് പാകിസ്ഥാന്‍ കോടതി

ദില്ലി : മുംബൈ ആക്രമണത്തിന്റെ മുഖ്യസൂത്രധാരനായ ഹാഫിസ് സയീദിനെ രണ്ട് ഭീകര കേസുകളില്‍ 10 വര്‍ഷം തടവിന് ശിക്ഷിച്ചതായി വാര്‍ത്താ ഏജന്‍സി പിടിഐ റിപ്പോര്‍ട്ട് ചെയ്തു. തീവ്രവാദ ഗ്രൂപ്പായ ലഷ്‌കര്‍-ഇ-തായ്ബയുടെ (എല്‍ഇടി) മുന്നണി സംഘടനയായ ജമാഅത്ത് ഉദ് ദാവയുടെ തലവന്‍ ഹാഫിസ് സയീദിനെ തീവ്രവാദ കേസില്‍ പാകിസ്ഥാന്‍ കോടതി ശിക്ഷിക്കുന്നത് ഇതാദ്യമല്ല. ഫെബ്രുവരിയില്‍, ഹാഫിസ് സയീദിനെയും അദ്ദേഹത്തിന്റെ ചില സഹായികളെയും തീവ്രവാദ ധനസഹായക്കേസില്‍ 11 വര്‍ഷം തടവിന് ശിക്ഷിക്കുകയും ചെയ്തിരുന്നു.

ലാഹോറിലെ ഭീകരവിരുദ്ധ കോടതി വ്യാഴാഴ്ച ജമാത്ത്-ഉദ്-ദാവയിലെ മേധാവി ഹാഫിസ് സയീദ് ഉള്‍പ്പെടെ നാല് നേതാക്കളെ രണ്ട് കേസുകളില്‍ ശിക്ഷ വിധിച്ചു, ”കോടതി ഉദ്യോഗസ്ഥനെ ഉദ്ധരിച്ച് പിടിഐ പറഞ്ഞു. ഹാഫിസ് സയീദിനും അദ്ദേഹത്തിന്റെ രണ്ട് സഹായികളായ സഫര്‍ ഇക്ബാലിനും യഹ്യാ മുജാഹിദിനും 10 വര്‍ഷവും ആറുമാസവും വീതം തടവും സഹോദരന്‍ അബ്ദുള്‍ റഹ്മാന്‍ മക്കിയെ ആറ് മാസവും തടവിന് ശിക്ഷിച്ചു.

2008 ല്‍ മുംബൈയില്‍ ആക്രമണം ആസൂത്രണം ചെയ്തതിന് പിന്നാലെ ഐക്യരാഷ്ട്രസഭയും യുഎസും ഒരു ‘ആഗോള തീവ്രവാദി’ എന്ന് ഹഫീസിനെ മുദ്രകുത്തിയിരുന്നു. പിന്നാലെ അദ്ദേഹത്തിന്റെ തലയ്ക്ക് 10 മില്യണ്‍ ഡോളറും വിലയിട്ടിരുന്നു. ഭീകരവാദ ധനസഹായ കേസുകളുമായി ബന്ധപ്പെട്ട് കഴിഞ്ഞ ജൂലൈയില്‍ ആണ് ഹാഫിസ് സയീദിനെ പാകിസ്ഥാനില്‍ അറസ്റ്റ് ചെയ്തത്. അദ്ദേഹത്തെ ലാഹോറിലെ ഉയര്‍ന്ന സുരക്ഷയുള്ള കോട്ട് ലഖ്പത് ജയിലില്‍ പാര്‍പ്പിച്ചിരിക്കുകയാണ്.

പാക്കിസ്ഥാനില്‍ സ്വതന്ത്രമായി കറങ്ങുന്ന തീവ്രവാദികള്‍ക്കെതിരെ നടപടിയെടുക്കാന്‍ പാകിസ്ഥാനെ പ്രേരിപ്പിക്കുന്നതിനും ഇന്ത്യയില്‍ ആക്രമണം നടത്താന്‍ തങ്ങളുടെ പ്രദേശം ഉപയോഗിക്കുന്നതിനും ആഗോള തീവ്രവാദ ധനകാര്യ വാച്ച്‌ഡോഗ് ഫിനാന്‍ഷ്യല്‍ ആക്ഷന്‍ ടാസ്‌ക് ഫോഴ്‌സ് (എഫ്എടിഎഫ്) നിര്‍ണായകമായി. തങ്ങളുടെ മണ്ണില്‍ തീവ്രവാദികള്‍ക്ക് അഭയം നല്‍കുന്നത് നിര്‍ത്താന്‍ പാകിസ്ഥാനില്‍ സമ്മര്‍ദ്ദം ചെലുത്തണമെന്ന് ഇന്ത്യ പണ്ടേ അന്താരാഷ്ട്ര ഏജന്‍സികളോടും സൗഹൃദ രാജ്യങ്ങളോടും ആവശ്യപ്പെട്ടിരുന്നു.

ജമാഅത്ത് ഉദ് ദാവ നേതാക്കള്‍ക്കെതിരെ പാകിസ്താന്‍ ഭീകരവിരുദ്ധ വകുപ്പ് 41 കേസുകളും ഹഫീസ് സയീദിനെതിരെ നാല് കേസുകളും ഇതുവരെ രജിസ്റ്റര്‍ ചെയ്തിട്ടുണ്ട്. ബാക്കിയുള്ളവ പാകിസ്ഥാനിലുടനീളമുള്ള നിരവധി ഭീകരവിരുദ്ധ കോടതികളില്‍ തീര്‍പ്പുകല്‍പ്പിച്ചിട്ടില്ല.

2019 ഫെബ്രുവരിയില്‍ ജമ്മു കശ്മീരിലെ പുല്‍വാമയിലെ സിആര്‍പിഎഫ് കോണ്‍വോയിക്ക് നേരെയുണ്ടായ കാര്‍ ബോംബ് ആക്രമണത്തിന് ഉത്തരവാദിയായ തീവ്രവാദ ഗ്രൂപ്പായ ജയ്ഷ് ഇ മുഹമ്മദിനെ പാകിസ്ഥാന്‍ ഏജന്‍സികള്‍ എങ്ങനെയാണ് ധനസഹായം ചെയ്യുന്നതെന്ന് കഴിഞ്ഞ വര്‍ഷം പാരീസ് ആസ്ഥാനമായ എഫ്എടിഎഫിന് ഇന്ത്യ തെളിവ് നല്‍കിയിരുന്നു. അതിനുശേഷം പാക്കിസ്ഥാന്‍ എഫ്എടിഎഫിന്റെ കരിമ്പട്ടികയില്‍ പെടുത്തുമെന്ന് ഐക്യരാഷ്ട്രസഭയും എഫ്എടിഎഫും മുന്നറിയിപ്പ് നല്‍കിയിരുന്നു. ഇത് അന്താരാഷ്ട്ര നാണയ നിധി, ലോക ബാങ്ക്, ഏഷ്യന്‍ വികസന ബാങ്ക്, യൂറോപ്യന്‍ യൂണിയന്‍ തുടങ്ങിയ വായ്പ നല്‍കുന്നവര്‍ രാജ്യത്തെ തരംതാഴ്ത്താന്‍ ഇടയാക്കും.