ദില്ലി : ബീഹാര്‍ നിയമസഭാ തെരഞ്ഞെടുപ്പില്‍ വിജയിച്ചതിന് ശേഷം ഭാരതീയ ജനതാ പാര്‍ട്ടി പശ്ചിമ ബംഗാള്‍ പിടിക്കാനൊരുങ്ങുകയാണ്. ബംഗാളിനെ മനസ്സില്‍ കണ്ടുകൊണ്ട് ബിജെപി പുത്തന്‍ തന്ത്രങ്ങള്‍ മെനയുകയാണ്. എല്ലാ തെരഞ്ഞെടുപ്പുകളെയും പോലെ പ്രധാനമന്ത്രി നരേന്ദ്ര മോദി തന്നെയായിരിക്കും ഇവിടെയും പാര്‍ട്ടിയുടെ പ്രധാന മുഖം. കേന്ദ്രസര്‍ക്കാരിന്റെ വികസന നയത്തെ കുറിച്ചായിരിക്കും ചര്‍ച്ചകള്‍ നടക്കുക.
തെരഞ്ഞെടുപ്പിന് മുന്നോടിയായി കേന്ദ്ര ആഭ്യന്തരമന്ത്രി അമിത് ഷായും ബിജെപി പ്രസിഡന്റ് ജെ പി നദ്ദയും എല്ലാ മാസവും ബംഗാള്‍ സന്ദര്‍ശിക്കും. ബംഗാളിലെ 294 നിയമസഭാ സീറ്റുകളെ 5 സോണുകളായി ബിജെപി വിഭജിച്ചു. ഓരോ സോണിനെയും ഒരു ദേശീയ ഉദ്യോഗസ്ഥനെ ചുമതലപ്പെടുത്തി.
അഞ്ച് സോണുകളില്‍ ഈ ദേശീയ ഉദ്യോഗസ്ഥര്‍ ബംഗാള്‍ എംപിമാര്‍, എംഎല്‍എമാര്‍, ജില്ലാ പ്രസിഡന്റ്, മുന്‍ ജില്ലാ പ്രസിഡന്റ്, ജില്ലാ ഇന്‍ചാര്‍ജ്, ബൂത്ത് പ്രസിഡന്റുമാര്‍ എന്നിവരുമായി ആശയവിനിമയം നടത്തും. ദേശീയ സെക്രട്ടറി വിനോദ് സോങ്കറിന് റബംഗനും സുനില്‍ ദിയോഥറിന് ഹുബ്ലി മെഡിനിയും ജനറല്‍ സെക്രട്ടറി ദുശ്യന്ത് ഗൗതമിന് കൊല്‍ക്കത്തയും നബാദിപ്പിന് വിനോദ് താവ്ഡയ്ക്കും ഉത്തര്‍ ബംഗയ്ക്കും ദേശീയ സഹമന്ത്രി ശിവപ്രകാശ് സിങ്ങിന്റെ ചുമതലയും നല്‍കി.
നിലവിലുള്ള ബംഗാള്‍ ടീമില്‍ നിന്ന് വ്യത്യസ്തമായി ബൂത്ത് തലത്തില്‍ നിന്ന് സ്വന്തം നിലയില്‍ ഫീഡ്ബാക്ക് സ്വീകരിക്കുക എന്നതാണ് കേന്ദ്ര നേതൃത്വത്തിന്റെ തന്ത്രം. ഈ ദേശീയ ഉദ്യോഗസ്ഥരെല്ലാം പ്രാഥമിക റിപ്പോര്‍ട്ട് നവംബര്‍ 20 ന് ബിജെപി പ്രസിഡന്റ് ജെ പി നദ്ദയ്ക്ക് സമര്‍പ്പിക്കും.
തെരഞ്ഞെടുപ്പിലെ പ്രശ്‌നങ്ങളെ സംബന്ധിച്ചിടത്തോളം. വികസനം, ദേശീയത എന്നിവയില്‍ ശ്രദ്ധ കേന്ദ്രീകരിക്കുക എന്നതാണ് ഇപ്പോള്‍ ബിജെപിയുടെ തന്ത്രം. ബംഗ്ലാദേശ് നുഴഞ്ഞുകയറ്റത്തിനൊപ്പം ചില സ്ഥലങ്ങളില്‍ തീവ്രവാദികളുടെ സാന്നിധ്യവും മമത ബാനര്‍ജിയുടെ നേതൃത്വത്തിനെതിരെ ഉന്നയിക്കാനാണ് ബിജെപിയുടെ നീക്കം.
Post Your Comments