ഭോപ്പാല്‍ : കാമുകനുമായുള്ള ബന്ധത്തെ അമ്മ എതിർത്തതോടെ കൂറ്റന്‍ പരസ്യബോര്‍ഡിന് മുകളില്‍ കയറി പ്രായപൂര്‍ത്തിയാകാത്ത പെണ്‍കുട്ടിയുടെ ഭീഷണി. കാമുകനെ വിവാഹം കഴിപ്പിച്ചു തരണമെന്ന ആവശ്യവുമായാണ് മധ്യപ്രദേശിലെ ഇന്‍ഡോര്‍ പര്‍ദേശിപുരയിലെ ബന്ധേരി പാലത്തിന് സമീപത്തായി പെണ്‍കുട്ടി അതിസാഹസത്തിന് മുതിര്‍ന്നത്.
ആണ്‍കുട്ടിയുമായുള്ള ബന്ധത്തെ അമ്മ എതിര്‍ത്തതോടെ ബന്ധം അംഗീകരിക്കണമെന്ന് ആവശ്യപ്പെട്ട് പെണ്‍കുട്ടി കൂറ്റന്‍ പരസ്യബോര്‍ഡിന് മുകളില്‍ കയറി ഭീഷണി മുഴക്കി. ഇതോടെ ജനങ്ങള്‍ താഴെ തടിച്ചുകൂടി. പൊലീസും സ്ഥലത്തെത്തി. ഒടുവില്‍ ആണ്‍കുട്ടിയെ സ്ഥലത്തെത്തിച്ച്‌ സംസാരിച്ച്‌ പെണ്‍കുട്ടിയെ താഴെ ഇറക്കുകയായിരുന്നുവെന്ന് പര്‍ദേശിപുര പൊലീസ് ഇന്‍സ്‌പെക്ടര്‍ അശോക് പട്ടീദാര്‍ അറിയിച്ചു.
Post Your Comments