അഹമ്മദാബാദ്: കൊറോണ പ്രതിരോധത്തില്‍ ലോകത്തിന് മാതൃകയായി ഗുജറാത്ത് .ഒരു കൊറോണ കേസുകള്‍ പോലുമില്ലാത്ത 139 ഗ്രാമങ്ങളാണ് ഗുജറാത്തിലുള്ളത്. ഗുജറാത്തില്‍ ആകെ 598 ഗ്രാമങ്ങളാണുള്ളത്. ഇതില്‍ 139 ഗ്രാമങ്ങളില്‍ ഇതുവരെ ഒരാള്‍ക്ക് പോലും കൊറോണ ബാധിച്ചതായി റിപ്പോര്‍ട്ട് ചെയ്യപ്പെട്ടിട്ടില്ല. ഈ ഗ്രാമങ്ങളിലുള്ളവര്‍ കര്‍ശനമായി കൊറോണ മാനദണ്ഡങ്ങള്‍ പിന്തുടര്‍ന്നതാണ് നേട്ടത്തിന് കാരണമായതെന്നാണ് വിലയിരുത്തല്‍. ഗ്രാമങ്ങളിലേയ്ക്ക് പുറത്തുനിന്ന് ആരെയും പ്രവേശിപ്പിച്ചിരുന്നില്ല. മാസ്‌ക് ധരിക്കലും സാമൂഹ്യ അകലം പാലിക്കലും ഇവര്‍ തുടക്കം മുതല്‍ തന്നെ ജീവിതത്തിന്റെ ഭാഗമാക്കി മാറ്റിയിരുന്നു.
അത്യാവശ്യ കാര്യങ്ങള്‍ക്കല്ലാതെ തങ്ങളുടെ ഗ്രാമം വിട്ട് ആരും പുറത്തേയ്ക്ക് പോകാതെ ശ്രദ്ധിച്ചിരുന്നു. കൊറോണ വൈറസ് വ്യാപനത്തിന്റെ പ്രാരംഭ ഘട്ടം മുതല്‍ തന്നെ ഈ ഗ്രാമങ്ങളിലേയ്ക്ക് പുറത്തുനിന്നുള്ളവരെ പ്രവേശിപ്പിക്കാതെ നോക്കിയിരുന്നു എന്ന് ഡിസ്ട്രിക്ട് ഹെല്‍ത്ത് ഓഫീസര്‍ ഡോ. മിതേഷ് ഭണ്ഡാരി വ്യക്തമാക്കി.
Post Your Comments