ന്യൂ ഡൽഹി: വീണ്ടും വഞ്ചനാപരമായ മനോഭാവം പ്രകടിപ്പിച്ച് ചൈന. ഗാൽവാനിലും പാങ്കോങ്ങിലും പരാജയമേറ്റുവാങ്ങിയ ചൈന അരുണാചല്‍ പ്രദേശിലും പ്രശ്‌നങ്ങളുണ്ടാക്കാന്‍ ശ്രമിക്കുന്നുവെന്ന് റിപ്പോര്‍ട്ടുകള്‍. അരുണാചൽ പ്രദേശിന് സമീപം 6 മേഖലകളിൽ സി ജിൻപിങ്ങിന്റെ സൈന്യം സേനാവിന്യാസം വർദ്ധിപ്പിച്ചു.
അപ്പര്‍ സുബന്‍സിരിയിലെ അസാപില, ലോങ്ജു, ബിസ, മാജാ തുടങ്ങിയ പ്രദേശങ്ങളില്‍ സംഘര്‍ഷം നില നില്‍ക്കുന്നുവെന്നാണ് പുതിയ റിപ്പോര്‍ട്ടുകള്‍. ബിസയിൽ അതിർത്തിക്കടുത്ത് ചൈന റോഡ് നിർമ്മിച്ചിട്ടുണ്ട്.
ചൈനയുടെ വെല്ലുവിളിയോട് പ്രതികരിക്കാൻ ഇന്ത്യൻ സൈന്യവും തയ്യാറാണ്. അരുണാചൽ പ്രദേശിലെ യഥാർത്ഥ നിയന്ത്രണ രേഖയുടെ 4 സെൻസിറ്റീവ് ഏരിയകളിൽ സൈന്യം ജാഗ്രത പാലിക്കുന്നു. ചൈനീസ് സൈന്യത്തിന്റെ ഭാഗത്തുനിന്ന് എന്തെങ്കിലും നീക്കമുണ്ടായാല്‍ പ്രതിരോധിക്കുന്നതിന്റെ ഭാഗമായി പട്രോളിങ്ങും ശക്തിപ്പെടുത്തിയിട്ടുണ്ട്.
Post Your Comments