തിരുവനന്തപുരം: സ്വപ്‌ന സുരേഷിനൊപ്പം ഫോണില്‍ സെല്‍ഫി പകര്‍ത്തിയ വനിതാ പോലീസുകാര്‍ക്കെതിരെ അച്ചടക്ക നടപടി. ഉദ്യോഗസ്ഥരെ പണിഷ്‌മെന്‍റ് റോള്‍ പട്ടികയില്‍പ്പെടുത്തി തുടരന്വേഷണത്തിന് സി ബ്രാഞ്ച് എസ്പിയെ ചുമതലപ്പെടുത്തി. ആറ് വനിതാ പൊലീസുകാരാണ് സെല്‍ഫിയെടുത്തത്. വനിതാ പൊലീസുകാരിയുടെ ഫോണിലാണ് ചിത്രം പകര്‍ത്തിയത്. സംഭവം വിവാദമായതോടെ ആറു വനിതാ പൊലീസുകാര്‍ക്കും ഉന്നത ഉദ്യോഗസ്ഥർ താക്കീത് നൽകിയിരുന്നു. ഇതിന് പിന്നാലെയാണ് നടപടി.
സംഭവം വിവാദമായതോടെ കൗതുകത്തിന് ചിത്രമെടുത്തതെന്നാണ് വനിതാ പോലീസ് ഉദ്യോഗസ്ഥര്‍ നല്‍കിയ വിശദീകരണം. കഴിഞ്ഞ സെപ്റ്റംബര്‍ 7 നായിരുന്നു നെഞ്ചു വേദനയെ തുടര്‍ന്ന് സ്വപ്നയെ തൃശ്ശൂര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്. ആറു ദിവസമാണ് ആദ്യത്തെ തവണ ഇവര്‍ ആശുപത്രിയില്‍ ചെലവിട്ടത്. ഈ സമയത്താണ് ഫോട്ടോ എടുത്തത്.
Post Your Comments