പുല്‍വാമ: ജമ്മു കശ്മീരിലെ പുല്‍വാമ ജില്ലയില്‍ സുരക്ഷാ സേന സംഘത്തിനു നേരെ തീവ്രവാദികള്‍ വെടിയുതിര്‍ത്തു. എന്നാല്‍ ജീവഹാനി സംഭവിച്ചതായി റിപ്പോര്‍ട്ടുകളില്ലെന്ന് പോലീസ് പറഞ്ഞു. തെക്കന്‍ കശ്മീരിലെ പുല്‍വാമയിലെ പരിഗാമില്‍ വൈകുന്നേരം 5:45 ഓടെയാണ് സൈന്യത്തിന്റെ രാഷ്ട്രീയ റൈഫിള്‍സിന്റെ സംഘത്തിന് നേരെ തീവ്രവാദികള്‍ വെടിയുതിര്‍ക്കുകയായിരുന്നുവെന്ന് പോലീസ് ഉദ്യോഗസ്ഥര്‍ പറഞ്ഞു.
തീവ്രവാദികള്‍ക്കെതിരെ സുരക്ഷാ സേന തിരിച്ചടിച്ചു. ജീവന്‍ നഷ്ടപ്പെട്ടതായോ പരിക്കേറ്റതായോ റിപ്പോര്‍ട്ടുകളില്ലെന്നും അദ്ദേഹം പറഞ്ഞു. പ്രദേശം വളഞ്ഞിരിക്കുകയാണെന്നും അക്രമികളെ പിടികൂടാനായി തിരച്ചില്‍ ആരംഭിച്ചതായും കൂടുതല്‍ വിവരങ്ങള്‍ കാത്തിരിക്കുകയാണെന്നും അധികൃതര്‍ പറഞ്ഞു.
Post Your Comments