ശ്രീനഗര്‍: ജമ്മു കശ്മീരിൽ പാകിസ്ഥാൻ നടത്തിയ ഷെല്ലാക്രമണത്തിൽ ഒരു സൈനികന് വീരമൃത്യു.രണ്ടു സൈനികർക്ക് പരിക്കേറ്റു. പരിക്കേറ്റവരെ ശ്രീനഗറിലെ സൈനിക ആശുപത്രിയില്‍ പ്രവേശിപ്പിച്ചു. കുപ്വാര ജില്ലയിലാണ് സംഭവം. നിയന്ത്രണ രേഖക്ക് സമീപം നൗഗാം സെക്ടറിലെ സൈനിക പോസ്റ്റിന് നേരെ മോര്‍ട്ടാര്‍ അടക്കമുള്ള ആയുധങ്ങള്‍ ഉപയോഗിച്ചായിരുന്നു ആക്രമണം. പ്രകോപനമില്ലാതെ പാകിസ്ഥാൻ നടത്തിയ ആക്രമണത്തിന് തക്കതായ മറുപടി നൽകിയെന്ന് പ്രതിരോധ വക്താവ് അറിയിച്ചു.
Post Your Comments