ഭാര്യയുമായി അവിഹിത ബന്ധമെന്ന് സംശയം : കടയുടമ ജ്വല്ലറി ഉടമയെ തീകൊളുത്തി കൊലപ്പെടുത്തി

ഫിറോസാബാദ് • ഉത്തർപ്രദേശിലെ ഫിറോസാബാദിൽ കടയുടമ തീകൊളുത്തിയ ജ്വല്ലറി വിൽപ്പനക്കാരൻ മരിച്ചു. തന്റെ ഭാര്യയെ ആത്മഹത്യയിലേക്ക് നയിച്ചത് ഇയാളുമായുണ്ടായിരുന്ന അവിഹിത ബന്ധമാണെന്ന് സംശയിച്ചാണ് കൊലപാതകം.

രാകേഷ് വർമ്മയുടെ മരണം (40) ആഗ്രയിലെ എസ്എൻ മെഡിക്കൽ കോളേജ് സ്ഥിരീകരിച്ചു. മൃതദേഹം പോസ്റ്റ്‌മോർട്ടത്തിനായി അയച്ചിട്ടുണ്ട്. മരിക്കുന്നതിന് മുമ്പ് വർമയുടെ മൊഴി രേഖപ്പെടുത്തിയിട്ടുണ്ട്, ”സീനിയർ പോലീസ് സൂപ്രണ്ട് (എസ്എസ്പി) സച്ചിന്ദ്ര പട്ടേൽ ബുധനാഴ്ച പറഞ്ഞു.

റോബിൻ എന്ന കടയുടമയെ പിടികൂടാൻ നാല് പോലീസ് സംഘങ്ങള്‍ രൂപീകരിച്ചിട്ടുണ്ടെന്ന് എസ്എസ്പി അറിയിച്ചു. ഇയാളെ ഉടൻ അറസ്റ്റ് ചെയ്യുമെന്ന് എസ്എസ്പി അറിയിച്ചു.

ചൊവ്വാഴ്ച ഉച്ചയ്ക്ക് ദക്ഷിണ പോലീസ് സ്റ്റേഷൻ ഏരിയയിലെ ജ്വല്ലറി ഷോപ്പിൽ ഇരിക്കുകയായിരുന്നു രാകേഷ് വർമ. രൂക്ഷമായ തർക്കത്തിനൊടുവില്‍ റോബിൻ ഒരു കുപ്പിയിൽ നിന്ന് കാട്ടുന്ന ദ്രാവകം എറിഞ്ഞ് തീകൊളുത്തുകയായിരുന്നു.

രാകേഷിന് 80 ശതമാനം പൊള്ളലേറ്റു. തുടക്കത്തിൽ ജില്ലാ ആശുപത്രിയിലേക്ക് കൊണ്ടുപോയ അദ്ദേഹത്തെ ഗുരുതരാവസ്ഥയിൽ ആഗ്ര ആശുപത്രിയിലേക്ക് കൊണ്ടുപോയതായി എസ്എസ്പി പറഞ്ഞു.

പ്രാഥമിക വിവരം അനുസരിച്ച് , ഓഗസ്റ്റ് 12 നാണ് റോബിന്റെ ഭാര്യ പൂജ ആത്മഹത്യ ചെയ്തതെന്ന് എസ്‌എസ്‌പി പറഞ്ഞു. രാകേഷിന് അവരുമായി അവിഹിത ബന്ധമുണ്ടെന്ന് സംശയിക്കുന്നതായും ഇത് ആത്മഹത്യയിലേക്ക് നയിച്ചതായും എസ്എസ്പി പറഞ്ഞു.