കണ്ണൂര്‍ • നടുറോഡില്‍ നിറയെ കറന്‍സി നോട്ടുകളുടെ പെരുമഴ. കിഴുത്തള്ളി പോലീസ് നഗര്‍ കോളനിക്ക് സമീപം വൈകുന്നേരം 6.30- ഓടെയായിരുന്നു സംഭവം. നോട്ടുകള്‍ ചിതറിക്കിടക്കുന്നത് കണ്ട യാത്രക്കാര്‍ ആദ്യമൊന്ന് അമ്പരന്നു. എന്നാല്‍ പിന്നീട് റോഡില്‍ നാഥനില്ലാതെ കിടക്കുന്ന നോട്ടുകള്‍ വാഹനങ്ങള്‍ നിര്‍ത്തി അവയെടുക്കാനുള്ള ശ്രമത്തിലായിരുന്നു യാത്രക്കാര്‍.
നോട്ടുകളില്‍ ഏറെയും നൂറുരൂപയുടെ പുതിയ നോട്ടുകളായിരുന്നു. ഒന്നിടവിട്ടാണ് റോഡില്‍ കറന്‍സി നോട്ടുകള്‍ ചിതറിക്കിടന്നത്. വാഹനങ്ങള്‍ കടന്നുപോകുമ്പോള്‍ അവ പൊങ്ങി മുകളിലോട്ട് പറന്നു. കിട്ടിയ നോട്ടുകളുമായി നാട്ടുകാര്‍ സ്ഥലം വിടുകയും ചെയ്തു.
നോട്ടുകള്‍ എവിടെനിന്ന് വന്നെന്ന് ആര്‍ക്കും ഒരു പിടിയുമുണ്ടായില്ല. നഷ്ടപ്പെട്ട പണമന്വേഷിച്ച് ഉടമസ്ഥര്‍ ആരും വന്നിട്ടുമില്ല പോലീസിനെയും സമീപിച്ചില്ല.
Post Your Comments