കോയമ്പത്തൂർ • തമിഴ്നാട്ടിലെ കോയമ്പത്തൂരില്‍ മൂന്ന് ക്ഷേത്രങ്ങൾക്ക് നേരെ ആക്രമണം. ശനിയാഴ്ച പുലർച്ചെയാണ് അജ്ഞാതർ ക്ഷേത്രങ്ങള്‍ക്ക് മുന്നില്‍ ടയറുകള്‍ കൊണ്ടിട്ട് തീയിട്ടത്.
ഫൈവ് കോർണറിനടുത്തുള്ള എൻ എച്ച് റോഡിലുള്ള മഹാലിയമ്മൻ ക്ഷേത്രത്തിന് മുന്നിൽ അജ്ഞാതനായ ഒരാൾ ടയർ കത്തിച്ചു. ഇയാൾ ക്ഷേത്രത്തിലെ ബൾബും ബോർഡും മറ്റ് സ്വത്തുക്കളും തകർത്തു. റോഡരികിലെ പഞ്ചർ ഷോപ്പിൽ നിന്ന് ഉപയോഗിച്ച ടയർ എടുത്ത് കൊണ്ടുപോയി തീകൊളുത്തുന്നതായി സി.സി.ടി.വി ദൃശ്യങ്ങളില്‍ വ്യക്തമായിട്ടുണ്ട്.
അതുപോലെ, നല്ലമ്പാളയത്തിലെ സെൽവ വിനായക ക്ഷേത്രത്തിന് മുന്നിൽ അജ്ഞാതനായ ഒരാൾ ടയർ കത്തിച്ചു. കോയമ്പത്തൂർ റെയിൽവേ സ്റ്റേഷന് സമീപമുള്ള ലോർഡ് വിനായക ക്ഷേത്രത്തിലും സമാനമായ ഒരു സംഭവം നടന്നു.
സംഭവത്തില്‍ ബിജെപി, ഹിന്ദു മുന്നണി, വിഎച്ച്‌പി പ്രവര്‍ത്തകര്‍ സ്ഥലത്തെത്തി പ്രതിഷേധിച്ചു. പോലീസ് അന്വേഷണം ആരംഭിച്ചിട്ടുണ്ട്. പ്രദേശത്ത് പോലീസ് സന്നാഹത്തെയും വിന്യസിച്ചിട്ടുണ്ട്.
Post Your Comments