സൗദിയിൽ നേരിയ ആശ്വാസം : പ്രതിദിന കോവിഡ് മുക്തരുടെ എണ്ണത്തിൽ വർദ്ധന

റിയാദ് : സൗദിയിൽ നേരിയ ആശ്വാസം, പ്രതിദിന കോവിഡ് മുക്തരുടെ എണ്ണത്തിൽ വർദ്ധന. 5085 പേർ വ്യാഴാഴ്ച സുഖം പ്രാപിച്ചു. രാജ്യത്തെ ഒരു ദിവസത്തെ ഏറ്റവും ഉയർന്ന കണക്കാണിത്. ഇതോടെ രാജ്യത്ത് രോഗമുക്തി നേടിയവരുടെ എണ്ണം 117882 ആയി ഉയർന്നു. 33782 പേരിലാണ്​ പുതുതായി രോഗം സ്​ഥിരീകരിച്ചത്​. കഴിഞ്ഞ 24 മണിക്കൂറിനിടെ 41പേർ മരിച്ചു. റിയാദ്​ (17), ജിദ്ദ (11), മക്ക (4), മദീന (2), ഹുഫൂഫ്​ (2), അബഹ (2), ഖമീസ്​ മുശൈത്​ (1), ഹാഇൽ (1), ജീസാൻ (1) എന്നിവിടങ്ങളിലാണ്​ മരണങ്ങൾ സംഭവിച്ചത്. ഇതോടെ ആകെ കോവിഡ് ബാധിച്ചവരുടെ എണ്ണം 170639ഉം, മരണസംഖ്യ , 1428ഉം ആയി. രാജ്യത്തെ വിവിധ ആശുപത്രികളിലായി 51325 പേരാണ് ചികിത്സയിലുള്ളത്. ഇതിൽ 2206 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്. പുതുതായി 37,740 സ്രവസാമ്പിളുകൾ​ പരിശോധിച്ചപ്പോൾ രാജ്യത്ത്​ ഇതുവരെ ആകെ 1,417,771 പി.സി.ആർ​ ടെസ്​റ്റുകൾ നടന്നുവെന്നു ആരോഗ്യമന്ത്രാലയം വ്യക്തമാക്കി.

Also read : കൊറോണ വൈറസ് വ്യാപനം : തൃശൂര്‍ നഗരം ഭാഗികമായി അടച്ചു

ഖത്തറിൽ കോവിഡ് ബാധിച്ച് രണ്ടു പേർ കൂടി വ്യാഴാഴ്ച് കോവിഡ് ബാധിച്ച് മരിച്ചു. 57 ഉം 60 വയസുള്ളവരാണ് മരിച്ചത്. ഏത് രാജ്യക്കാരാണ് മരിച്ചതെന്ന് അധികൃതര്‍ വെളിപ്പെടുത്തിയിട്ടില്ല. 4324 പേരില്‍ നടത്തിയ പരിശോധനയിൽ 1060 പേര്‍ക്ക് കൂടി രോഗം സ്ഥിരീകരിച്ചു. ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 104ഉം, രോഗം സ്ഥിരീകരിച്ചവർ 91838ഉം ആയി. രോഗമുക്തി നേടിയവരുടെ എണ്ണം 74,544 ആയി ഉയർന്നു. നിലവിൽ 17,188 പേരാണ് ചികിത്സയിലുള്ളത്. ഇതിൽ 212പേർ തീവ്ര പരിചരണ വിഭാഗത്തിലാണ്. രാജ്യത്ത് ഇതുവരെ 3,37496പേരെ കോവിഡ് പരിശോധനയ്ക്ക് വിധേയമാക്കി.

കോവിഡ് ഭേദമാകുന്നവരെക്കാൾ , രോഗം സ്ഥിരീകരിക്കുന്നവരുടെ എണ്ണം കുവൈറ്റിൽ വീണ്ടും വർദ്ധിക്കുന്നു. 909 പേർക്ക്​ കൂടി വ്യാഴാഴ്ച്ച രോഗം സ്ഥിരീകരിച്ചു, ഇതിൽ 479പേർ കുവൈറ്റികളും, 430പേർ വിദേശികളുമാണ്. രണ്ടു പേർ കൂടി മരിച്ചു. ഇതോടെ രാജ്യത്ത് കോവിഡ് സ്ഥിരീകരിച്ചവരുടെ ആകെ എണ്ണം 42,788ഉം, മരണസംഖ്യ 339ഉം ആയി. 558പേർ കൂടി സുഖം പ്രാപിച്ചതോടെ രോഗമുക്തി നേടിയവരുടെ എണ്ണം 33,367 ആയി ഉയർന്നു. നിലവിൽ 9082 പേരാണ്​ ചികിത്സയിലുള്ളത്​. 152 പേർ തീവ്രപരിചരണ വിഭാഗത്തിലാണ്​. ഫർവാനിയ ഗവർണറേറ്റിൽ 243, ജഹ്​റ ഗവർണറേറ്റിൽ 243, അഹ്​മദി ഗവർണറേറ്റിൽ 176, ഹവല്ലി ഗവർണറേറ്റിൽ 150, കാപിറ്റൽ ഗവർണറേറ്റിൽ 97 എന്നിങ്ങനെയാണ്​ പുതിയ കോവിഡ് ബാധിതരുടെ എണ്ണം.

Also read : ഇന്ത്യയില്‍ കോവിഡ് മരുന്ന് ആദ്യം അഞ്ച് സംസ്ഥാനങ്ങള്‍ക്ക് നല്‍കാന്‍ കേന്ദ്രതീരുമാനം :  100 മില്ലിഗ്രാമിന്റെ കുപ്പിക്ക് 5,400 രൂപ

ഒമാനിൽ കോവിഡ് സ്ഥിരീകരിക്കുന്നവരുടെ എണ്ണം തുടർച്ചയായ നാലാം ദിനവും ആയിരത്തിന് മുകളിൽ. 1366 പേർക്ക് കൂടി വ്യാഴാഴ്ച രോഗം സ്ഥിരീകരിച്ചു. 686 പേർ പ്രവാസികളും 680 പേർ സ്വദേശികളുമാണ്​. രണ്ടു പേർ കൂടി മരണപ്പെട്ടു. ഇതോടെ രാജ്യത്ത് കോവിഡ് ബാധിച്ചവരുടെ ആകെ എണ്ണം 34902ഉം, മരണസംഖ്യ 144ഉംആയി.548 പേർ കൂടി സുഖം പ്രാപിച്ചതോടെ രോഗമുക്തി നേടിയവരുടെ എണ്ണം 18520ആയി ഉയർന്നു. 16238 പേരാണ്​ നിലവിൽ അസുഖബാധിതരായിട്ടുള്ളത്. 40 പേരെ കൂടി ആശുപത്രിയിൽ പ്രവേശിപ്പിച്ചതോടെ ചികിത്സയിലുള്ളവരുടെ എണ്ണം 417 ആയി.  ഇതിൽ 107 പേർ തീവ്ര പരിചരണ വിഭാഗത്തിലാണുള്ളത്​. പുതിയ രോഗികളിൽ 751 പേർ മസ്‌ക്കറ്റ് ഗവർണറേറ്റിൽ നിന്നുള്ളവരാണ്. ​​. ഇതോടെ മസ്​കറ്റ് ​ ഗവർണറേറ്റിലെ കോവിഡ്​ ബാധിതരുടെ എണ്ണം 24173 ആയി. 13206 പേർക്കാണ്​ ഇവിടെ അസുഖം ഭേദമായത്​. മരണപ്പെട്ടതിൽ 104 പേരും മസ്​കത്തിൽ ചികിത്സയിലിരുന്നവരാണ്​.