മുംബൈ: മഹാരാഷ്ട്രയിൽ കോവിഡ് ബാധിതർ 1,32,075 ആയതിനിടെ, മുംബൈയിൽ 1,000 രോഗികളെ കാണാനില്ല. കോവിഡ് പെരുകുന്നതിനിടെ, പരിശോധനാ കേന്ദ്രത്തിൽ കൃത്യമായ വിലാസം നൽകാത്തതാണുരോഗികളെ കണ്ടെത്താൻ കഴിയാത്തതിനു കാരണമെന്നു മുംബൈ കോർപറേഷൻ പറയുന്നു.ചിലരാകട്ടെ, പോസീറ്റിവാണന്ന് അറിയുമ്പോൾ മുങ്ങുന്നു.
പുതിയ രോഗികൾ 3,870. ഇന്നലെ 101 പേർ മരിച്ചതോടെ മൊത്തം മരണം 6,085 ആയി.ഇവരെ കണ്ടെത്താന്‍ കഴിഞ്ഞില്ലെങ്കില്‍ ഇതുവരെയുള്ള കോവിഡ് വ്യാപന പ്രതിരോധപ്രവര്‍ത്തനങ്ങള്‍ വെറുതെയാകുമെന്ന ആശങ്കയിലാണ് നഗരസഭ അധികൃതര്‍. കാണാതായവര്‍ മരിക്കുകയോ കോവിഡ് ചികിത്സകേന്ദ്രങ്ങളിലോ ഇല്ലെന്ന് അധികൃതര്‍ പറഞ്ഞു. കാണാതായവരില്‍ 60 ശതമാനവും ചേരിപ്രദേശങ്ങളിലെ മേല്‍വിലാസം നല്‍കിയവരാണ്.
രോഗം കണ്ടെത്തിയാൽ ഒറ്റപ്പെടുമെന്ന ഭീതിയിൽ ചിലർ തെറ്റായ വിലാസവും നമ്പറുകളും നൽകുന്നു. അന്തർസംസ്ഥാന തൊഴിലാളികൾ കോൺട്രാക്ടർമാരുടെയോ മറ്റോ നമ്പറുകളാണ് നൽകുന്നത്. കാണാതായവർ നൽകിയ മൊബൈൽ നമ്പറുകൾ കൃത്യമല്ല. ഒടുവിൽ, നഗരസഭ പൊലീസിെൻറ സഹായം തേടിയിരിക്കുകയാണ്.
Post Your Comments