ഹൈദരാബാദ് • എ.ഐ.സി.സി തെലങ്കാന സെക്രട്ടറിയും മുതിര്‍ന്ന തെലങ്കാന കോൺഗ്രസ് നേതാവുമായ വി ഹനുമന്ത റാവുവിന് കൊറോണ വൈറസ് പോസിറ്റീവ് സ്ഥിരീകരിച്ചു. ചികിത്സയ്ക്കായി ഹൈദരാബാദിലെ സ്വകാര്യ ആശുപത്രിയിൽ പ്രവേശിപ്പിച്ചു.
രാഷ്ട്രീയ വൃത്തങ്ങളില്‍ വിഎച്ച് എന്നറിയപ്പെടുന്ന കോണ്‍ഗ്രസ് നേതാവിന് വൈറസ് ലക്ഷണങ്ങൾ കണ്ടതിനെത്തുടര്‍ന്ന് സ്വയം കോവിഡ് 19 പരിശോധനയ്ക്ക് തയ്യാറാവുകയും ഫലം പോസിറ്റീവായി മാറുകയുമായിരുന്നു. പകർച്ചവ്യാധി പൊട്ടിപ്പുറപ്പെട്ടതുമുതല്‍ മുതൽ മുതിർന്ന കോൺഗ്രസ് നേതാവ് ദുരിതാശ്വാസ പ്രവർത്തനങ്ങളിൽ ഏർപ്പെട്ടിരുന്നു.
വി ഹനുമന്ത റാവു പൊതുജനങ്ങൾക്കായി കോവിഡ് ബോധവൽക്കരണ പരിപാടിയും നടത്തിയിരുന്നു. ജലസേചന പദ്ധതികൾക്കെതിരെ തെലങ്കാന സർക്കാരിനെതിരെ അടുത്തിടെ സംഘടിപ്പിച്ച പ്രതിഷേധത്തിന്റെ ഭാഗമായിരുന്നു. രാഹുൽ ഗാന്ധിയുടെ ജന്മദിനാഘോഷങ്ങളിൽ പോലും അദ്ദേഹം പങ്കെടുത്തിരുന്നു.
ആശുപത്രിയിലെ സുരക്ഷയും സുരക്ഷാ ഉപകരണങ്ങളും ഇല്ലാത്തതിൽ പ്രതിഷേധിച്ച ജൂനിയർ ഡോക്ടർമാരോടൊപ്പം പങ്കുചേരാന്‍ ഗാന്ധി ആശുപത്രി സന്ദർശിച്ചപ്പോഴാണ് റാവുവിന് അണുബാധയുണ്ടായതെന്ന അഭ്യൂഹമുണ്ട്.
റാവുമായി സമ്പര്‍ക്കം പുലര്‍ത്തിയവരെല്ലാം സ്വയം ക്വാറന്റൈനില്‍ പ്രവേശിച്ചിട്ടുണ്ട്.
Post Your Comments