കൊല്ലം : ഒരു കാട്ടാന കൂടി ചെരിഞ്ഞത് പൈനാപ്പളിൽ ഒളിപ്പിച്ച പന്നിപ്പടക്കം പൊട്ടിത്തെറിച്ച്. പത്തനാപുരം കറവൂരിൽ ആണ് സംഭവം. മൂന്ന് പേരെ വനപാലകർ പിടികൂടി. കറവൂർ സ്വദേശികളായ അനിമോൻ, രഞ്ജിത്ത്, ശരത്ത് എന്നിവരാണ് അറസ്റ്റിലായത്. പിടിയിലായ മൂന്നുപേരും മൃഗവേട്ടക്കാരാണ്. പൈനാപ്പളിൽ പന്നിപ്പടക്കം ഒളിപ്പിച്ച് മൃഗവേട്ട നടത്തുകയാണ് ഇവരുടെ രീതി. മ്ലാവിനെ പിടികൂടാൻ വെച്ച പന്നിപ്പടക്കം ആന ഭക്ഷിക്കുകയായിരുന്നുെവന്നാണ് ഇവർ പറയുന്നത്. സംഭവത്തിൽ മൃഗവേട്ടക്കാരായ രണ്ടുപേരെ കൂടി പിടികൂടാനുണ്ട്. ഒളിവിൽ പോയ ഇവർക്കായി തിരച്ചിൽ ഊർജിതമാക്കി.
വായിൽ വലിയ വ്രണവുമായി കണ്ടെത്തിയ ആന ഏപ്രിൽ 11നാണ് ചെരിഞ്ഞത്. . ആനക്ക് പ്രാഥമിക ശുശ്രൂഷ നൽകാൻ ശ്രമിച്ചിരുന്നുവെങ്കിലും സാധിച്ചിരുന്നില്ല. മരക്കൊമ്പ് തട്ടി മുറിവേറ്റതാകാമെന്നായിരുന്നു വനപാലകരുടെ ആദ്യ നിഗമനം. എന്നാൽ, പോസ്റ്റുമോർട്ടം റിപ്പോർട്ടിൽ സ്ഫോടക വസ്തു പൊട്ടിത്തറിച്ചതിെൻറ സംശയം ഉയർന്നോതടെ അന്വേഷണം നടത്തുകയും ഇവരെ പിടികൂടുകയുമായിരുന്നു. പാലക്കാട് ജില്ലയിൽ കാട്ടാന പന്നിപ്പടക്കം നിറച്ച പൈനാപ്പിൾ കഴിക്കുന്നതിനിടെ പൊട്ടിത്തെറിച്ച് ചെരിഞ്ഞ സംഭവം വൻ വിവാദങ്ങൾക്ക് കാരണമായിരുന്നു.
Post Your Comments