ഇത് കോളേജ് ടൂറല്ല; കോവിഡ് നിര്‍ദ്ദേശങ്ങള്‍ കാറ്റില്‍പ്പറത്തി വിമാനത്തില്‍ കൈകൊട്ടിപ്പാടി മലയാളികള്‍; നാട്ടിലേക്കുള്ള അടിയന്തിര വിമാനത്തില്‍ നിന്നുള്ളതെന്ന പേരില്‍ വീഡിയോ പ്രചരിക്കുന്നു

തിരുവനന്തപുരം • വിമാനത്തിനുള്ളില്‍ സാമൂഹ്യ അകല നിര്‍ദ്ദേശങ്ങള്‍ കാറ്റില്‍പ്പറത്തി, മാസ്ക് പോലും ശരിയായി ധരിക്കാതെ മലയാളി യാത്രികള്‍ യാത്ര ആഘോഷമാക്കുന്നതിന്റെ ദൃശ്യങ്ങള്‍ പുറത്ത്. കോവിഡ് പശ്ചാത്തലത്തില്‍ നാട്ടിലേക്ക് വരുന്ന അടിയന്തിര വിമാനത്തിലെ ദൃശ്യങ്ങള്‍ എന്ന പേരിലാണ് വീഡിയോ പ്രചരിക്കുന്നത്.

വിമാനത്തിന്റെ ഇടനാഴിയിലും സീറ്റുകള്‍ക്കിടയിലും എഴുന്നേറ്റ് നിന്ന് കൈകൊട്ടി പാട്ടുപാടുകയാണ് യാത്രക്കാര്‍. പലരും മാസ്ക് ശരിയായി ധരിച്ചിട്ടില്ല, താടിയില്‍ തൂക്കിയിട്ട നിലയിലാണ് മാസ്ക്കുകള്‍. ഇതിനടയില്‍ നാട്ടിലെത്തിയാലുള്ള 14 ദിവസത്തെ ക്വാറന്റൈനിനെക്കുറിച്ചും കൂട്ടത്തില്‍ ഒരാള്‍ ആവര്‍ത്തിച്ച്‌ മറ്റുള്ളവരോട് പറയുന്നത് കേള്‍ക്കാം. അന്തരാഷ്ട്ര യാത്രികരിലെ ഇത്രയധികം ആളുകൾ എങ്ങനെയാണ് കൊവിഡ് പോസിറ്റീവ് ആകുന്നത് എന്നതിന് ഉത്തമോദാഹരണമാണ് ഈ കാഴ്ച.

ദൃശ്യങ്ങള്‍ കാണാം..

https://www.facebook.com/vinod.bs1/posts/3544506802231671