ലണ്ടന്‍: കോവിഡ് പ്രതിരോധത്തിനുള്ള വാക്സിന് സെപ്തംബറില്‍ പുറത്തിറക്കുമെന്ന് അവകാശവാദവുമായി ബ്രിട്ടീഷ് മരുന്ന് നിര്‍മാണ കമ്പനിയായ ആസ്ട്രസെനാക്ക. ഓക്സ്ഫോര്‍ഡ് യൂണിവേഴ്സിറ്റിയുമായി ചേര്‍ന്നാണ് ആസ്ട്രസെനാക്ക വാക്സിന് നിര്‍മിക്കുന്നത്. ഓക്സ്ഫോര്‍ഡ് യൂണിവേഴ്സിറ്റിയിലെ ശാസ്ത്രജ്ഞരുടെ നേതൃത്വത്തില്‍ മനുഷ്യരില്‍ വാക്സിന് പരീക്ഷണം നേരത്തെ തന്നെ ആരംഭിച്ചിരുന്നു. സെപ്തംബര്‍ മാസത്തോടെ 200 കോടിയോളം ഡോസ് വാക്സിന് തയ്യാറാക്കാനാകുമെന്നാണ് കമ്പനിയുടെ അവകാശവാദം.
Read also: കൊറോണ വൈറസ് ബാധിച്ച് ഡോക്ടര്‍ മരിച്ചു
ഇതുവരെ ഞങ്ങള്‍ ശരിയായ ട്രാക്കിലാണ് ഓടുന്നത്. ഇപ്പോള്‍ തന്നെ ഞങ്ങള്‍ വാക്സിന് നിര്‍മാണം ആരംഭിക്കുകയാണ്. പരിശോധന ഫലങ്ങള്‍ ലഭിക്കുമ്ബോഴേക്കും അവ ഉപയോഗത്തിന് തയ്യാറായിരിക്കണമെന്ന് ആസ്ട്രസെനാക്ക ചീഫ് എക്സിക്യൂട്ടീവ് പാസ്കല്‍ സോറിയോട്ട് വ്യക്തമാക്കിയിട്ടുണ്ട്. ഓഗസ്റ്റ് മാസത്തോടെ ഡാറ്റ ലഭിക്കുമെന്നാണ് ഞങ്ങളുടെ ഇപ്പോഴത്തെ ധാരണ. സെപ്റ്റംബറോടെ ഞങ്ങള്‍ക്ക് ഫലപ്രദമായ വാക്സിന് പുറത്തിറക്കാനാകുമെന്നും അവര്‍ വ്യക്തമാക്കി.
Post Your Comments